Page 125 - KPA - APRIL 7 , 2015

Pelea entre famia durante campamento na Eagle Beach

Publication: Tuesday, 7 April 2015. Categoria: Policial

ORANJESTAD (AAN): Partimento di sla entre famia mes ta loke a sosode diadomingo anochi
den e area di campamento na Eagle. Polisnan di Beach a wordo manda cu urgencia na e sitio. A
pidi presencia tambe di unidadnan di Noord pa duna un man.
Un detencion a cay na e sitio. Dimes entre esnan envolvi tabata tin consumo di alcohol cu a
hunga un rol. E sospechoso deteni a yega na e campamento y aki a surgi un discusion. Parce a
lanta man pa otro y aki e casi full e famia a lanta contra esun cu a keda deteni.
Segun su pareha nan a trece cuminda y esnan eynan a lanta cu nan. Tur cos lo ta draai rond di
cumplimento of contribucion cu cada uno mester duna pa nan por tey na e campamento. Prome
cu polis a yega e cos a escala y calma bek pero net ora polis tabata yegando esun cu a keda
deteni a drenta bek e boca di leon y sla a cuminsa cay. Polis a yega haya e pelea den accion
completo.
E dama pareha di e persona deteni a pidi polis pa bai cune tambe pasobra e ta su so na e sitio y
nan por lanta cune tambe. Despues di basta roga e polisnan a hacie e fabor ey. Situacion a calma
despues cu polis a yega y atende cu e problema.
http://www.diario.aw/2015/04/pelea-entre-famia-durante-campamento-na-eagle-beach/