Page 128 - KPA - APRIL 7 , 2015

Pesey mes nan lo no scucha e stem aki nunca mas. Riba Face Book ta masha hopi colega a
reacciona ora a bira conoci cu nan colega a haya un accidente tragico. Otronan cu a haya yamada
a sali for di nan cas pa asina presenta na e sitio. Hopi aña nan a traha hunto y e forma cu el a
wordo ranca ta algo cu ningun tabata spera.

Varios agente tabata cu awa na wowo pasobra ta un colega cu ta casi un famia pa nan. Nan a
cuminsa corda tur e momentonan bunita den nan trayectoria como polis. Recien el a haya hasta
reconocimento pa su añanan di servicio den Cuerpo Policial.

E accidente fatal aki ta laga e famia tambe den un dolor grandi. Andre tin otro dos ruman homber
cu tambe tin un trabou respeta den comunidad. Un di nan mes ta traha cu seguronan di auto
atendiendo pa hopi aña cu daño di accidente. Nunca nan lo a biba pensa cu nan ruman lo bay
asina.

E accidente aki no ta prome desgracia cu Andre a haya su mes aden cu e Harley Davidson.
Algun aña pasa tambe el a dal cu e brommer y a keda herida net despues di trabou. E biaha aki e
golpinan tabata fatal na e sitio mes. Cu Andre Solagnier sosega na paz, paz na su restonan y
forza na su famia y coleganan di cuerpo policial.

http://www.diario.aw/2015/04/polis-andre-solagnier-a-muri-den-accidente-cu-brommer-na-paradera/