Page 124 - KPA - APRIL 7 , 2015

Hoben di 15 aña a flip despues di usa droga Molly

Publication: Tuesday, 7 April 2015. Categoria: Policial

ORANJESTAD (AAN): Ansiedad, paranoia, gana di suicidio ta djis algun di e problemanan cu
e uso di e droga Molly ta causa. Entre e hoben e droga aki ta wordo hopi usa. Na Aruba e droga
aki tambe tey. Asina un hoben di apenas 15 aña a wordo afecta te cu mester a interne den PAAZ.
Diadomingo anochi polisnan di San Nicolas mester a bai pura den direccion di un cas den Maria
van Oranjestraat. Eynan tin un bringamento basta pisa. Na yegada di polis e no tabata un
situacion facil.
A topa cu un pelea formal entre dos dama den e camber. A pidi refuerzo mesora mirando cu na
dado momento otronan tambe a cuminsa mete y stroba trabou di polis. Asina mes a logra
controla e situacion.
A detene un hoben di apenas 15 aña cu tabata totalmente den gara di droga. E tabata bou
influencia di Molly. Un rato prome aparentemente e tabata banda di Baby Beach y despues di
usa droga te hasta lo tabata cana sin paña.
Na cas el a cuminsa causa problema y tabata papia tambe di mata curpa. Polisnan cu a hibe
warda a atende cune pero tabata necesario pa busca yudanza medico pe tambe. A bin cune
straight hospital unda despues a keda di hibe PAAZ. Ta spera cu e recupera di e problema cu el a
causa su mesun curpa.
Eynan por mira cu uso di droga y mal amistad por hincabo den problemanan serio cu por
afectabo pa semper. Esaki mester ta djis un ehempel pa otronan tambe pa no usa droga pasobra e
por causabo problema serio y dolornan innecesario den famia.
http://www.diario.aw/wp-content/uploads/2015/04/Hoben-di-15-a%C3%B1a-a-flip-despues-di-
usa-droga-Molly.jpg