Page 29 - min.sja sept 4,2015

Diabierna 4 September 2015 Pagina 11

Women’s Club of Aruba hopi
satisfecho cu proyecto di ‘Medio
Ambiente goes to School’

E diferente directivanan di
school a bay di acuerdo
y Women’s Club of Aruba
(WCA) a habri e siman
di concientizacion cu un
conferencia di prensa na
St. Aloysius School pa
anuncia cu ta bay cuminsa
cu e proyecto di ‘Medio
Ambiente goes to School’.

E seis capitannan encarga
cu e districtonan a bishita
mas of menos 40 school
riba nos isla, pa asina
concientiza e alumnonan di
1ste klas pa nan tambe yuda
cuida nos medio ambiente
tanto na school como na
cas. Mas di 14 miembro
a asisti e capitannan cu
e proyecto cu a entrega e
pakete cu ta contene un
termo, un box pa sandwich
y un serbete chikito na mas
of menos 2000 mucha.

Cu esaki WCA ta gradici tur
e cabezante- y maestronan
cu a permiti nan haci e
proyecto aki y ta yama danki
na CEDE Aruba cu a sa di
waak e importancia di un
proyecto di tal magnitud.
Un danki tambe ta bay na
StimAruba cu a apoya WCA
cu posternan educativo y
Giselle N.V. cu a yuda nos
grandemente cu e proyecto
aki. Riba e diferente fotonan
por aprecia alumnonan
contento di e diferente
schoolnan cu nan regalo
y cla pa cuminsa yuda
cuida nos Medio Ambiente
hunto cu e capitannan di e
diferente districtonan. Nos
ta haya Jessica Molina
cu un klas na Oranjestad,
Carmen Russel cu un
klas na Tanki Leendert,
Marva Solagnier cu un
klas na Noord, Bernadette
Schouten cu un klas na Sta.
Cruz y Norma Brinkenberg
cu un klas na Savaneta.