Page 14 - bon-dia-aruba DEC 14 2020

A14 deporte
Dialuna 14 December 2020

E dama di hero Shariska Winterdal ta

completa su hazaña di e spirito rubiano!

Dama di Hero Shariska Winterdal a finalisa su ultimo
buelta di careda pa termina e 84km na pia, di e manera
aki e ta completa su hazaña di e “Spirito Rubiano” cual
a ser dedica na e famianan di menos recurso cu ta keda
yuda pa Stichting Frank Polanco y tambe pa su mama
cu ta den exterior pa motibo di salud.

Shariska Winterdaal a inicia cu su hazaña diabierna atardi pa
3:00 pm , caminda cu e la landa un total di 8km pa asina sigi
cu su 360km riba bicicleta cual e la termina diasabra merdia
pa asina 7:00 pm sali na pia pa cumpli cu su 84km pa termina
y cumpli cu su dobble ironman y su hazaña di e Spirito Ru-
biano. Sigur esaki ta un ehempel pa duna na deportistanan
y tambe su gran esfuerso pa yuda comunidad di Aruba. Un
Pabien grandi ta bay pa Shariska y nos ta sigur cu Aruba com-
pleto ta sumamente orguyoso dibo!

Resultado final Christmas Blitz 2020

Torneo di dam Christmas Blitz a keda patrocina door
di ASU cu a duna 3 medaya (ora, plata y brons) na e
prome 3 luganan. SSA a cubri e otro gastonan di e tor-
neo.
ASU a pone su luga “Centro Deportivo Betico Croes”
na Sta. Cruz disponible pa e evento aki.

Un torneo Blitz ta un torneo unda hungadornan ta haña ma-
sha tiki tempo pa pensa.
E ta un wega super rapido unda cada hungado ta haña sola-
mente 5 minuut pa termina e partido. Pero despues di cada
zet, nan tahaña 5 seconde extra riba nan tempo basico di 5
minuut. A participa un total di 9 hungado den e torneo aki.
Systema di wega a bira un round robin (dus tur hungado a
topa otro). 9 rounds a wordo hunga.
Despues di 9 rounds a termina na promer lugar Mario Jansen
cu a gana 5 wega y a tabla 3. E no a perde ningun wega. E la
score un total di 15 punto
Na segundo luga a termina Octavio Croes. Octavio a gana 5
wega, y a tabla 2 pero a perde 1 wega. Un total di 14 punto.

Y na tercer lugar tabatatin un empate entre Ricardo Wever
y Ricky Nisbet..Ambos a gana 5 wega, a tabla 1 wega, pero
a perde 2 wega. Nan a termina cu 13 punto. Pero Ricardo a
gana Ricky den nan encuentro y a logra di score mas punto di
SB y asina a kedana di tercer luga.
E prome 2 luganan a ricibi como premio un macuto di Pasco.
Medaya di Oro a bay pa Mario, Plata pa Octavio y Bronspa
Ricardo.

Un di 3 macuto a wordo rifa entre e hungadonan cu no a gana
un basket.
Esaki a wordo gana door di Chester Berkel.
Entregamento di premio a tuma luga despues di e ultimo
ronda. E torneo aki, a wordo subsidia door di SSA y Lotto pa
Deporte.