Page 27 - KPA DEC 30,2015
P. 27
Trahador di watersport a bay rescata turista
y a keda riba e boto te cu nan a lubida riba
dje y a drief bay afo
20 hora pasa , 29 di december 2015 13:40
Seccion: incidente
Diamars merdia polisnan di strand cu tabata riba lama a acerca un boto di bela chikito cu tabata
basta afo y tabata mustra manera cu tabata tin problema, mesora nan a bay acerca e boto y a bin
descubri cu ta un trahador di watersport cu a bay cu un colega pa rescata algun turista cu lo a
huur e boto di bela aki. Nan a bay cu un speedboat pa asina rescata e turistanan un di e
trahadornan a keda riba e boto y lo a keda pa purba trece e boto bek na tera, pero esaki tabata
hopi dificil y lo contrario a sosode y e trahador a keda bay afo. Aparentemente na e watersport
nan lo a lubida riba dje. Ora cu polis a encontre e tabata sinti basta malo y polis a trece tera unda
cu eynan ambulans a bini pa atende. Su situacion tabata exigi pa e bay hospital pa observacion.
Shortened link: http://awe24.com/23820
