Page 32 - KPA DEC 30,2015

Kustwacht y yate Dorothy den accion riba lama pa yuda
Yate Thaisa

Publication: Wednesday, 30 December 2015. Categoria: General

ORANJESTAD(AAN): Cu bon coordinacion di Kust Station di Aruba Ports, Kustwacht y tambe
Yate Dorothy a logra yuda un otro yate cu turista abordo y dos local.
Nan a sali bay pisca manera tur dia, y ta trata aki di un yate di placer. Kustwacht a haya e
melding for di APA net faltando cinco minuut pa 5’or di atardi.
E melding tabata cu e yate Thaisa tabata den problema na distancia di diez miya zuidwest for di
Barcadera, y cu tur dos motor a paga pa un motibo tecnico.
Segun e melding tin tambe cinco persona abordo. Dos tripulacion y tres turista ruman homber.
Kustwacht a sali di biaha pa e melding y tambe a sali e boto Dorothy pa yuda tow e boto aki.
Kustwacht a tuma e tres turistanan over y trece nan sano y salvo tera na Marriott. E lama tabata
hopi malo mes mirando e biento fuerte. E tres turistanan ta di edad hoben y nan mayornan tabata
preocupa na tera.
Nan a keda contento di tende cu tur cos a caba bon y reaccion rapido di Kustwacht y Yate
Dorothy cu bon cordinacion di Aruba Ports e resultado tabata uno feliz pa tur hende. E turistanan
tabata tin nan vest bisti ora cu e problema a presenta y yudanza a yega na elugar.
http://www.diario.aw/2015/12/kustwacht-y-yate-dorothy-den-accion-riba-lama-pa-yuda-yate-thaisa/