Page 33 - KPA DEC 30,2015

Polis Maritimo a rescata persona ta drief riba boto di bela

Publication: Wednesday, 30 December 2015. Categoria: Policial

ORANJESTAD (AAN): Diamars parti merdia Polis maritimo a subi lama pa tene un control y
tres miya pabou di Aruba a topa cu un persona riba boto di bela chikito.
E persona ta un persona local cu ta traha pa watersports pero a confronta problema cu e boto di
bela chikito y tabata drief pero no tabatin e manera pa bati alarma.
Bon trabao di Polis maritimo nan a scapa bida di un persona y tuma e persona over pone riba nan
boto. Pero e boto di bela chikito no por a rescata debi cu lama ta bastante bruto.
A logra trece e persona tera pero su situacion tabata delicado debi cu e persona tabatin basta rato
riba lama y ambulance a keda solicita pa presenta y controla e persona su salud.
Paramedico a controla e persona y a opta pa hibe hospital pa atencion medico.
http://www.diario.aw/2015/12/polis-maritimo-a-rescata-persona-ta-drief-riba-boto-di-bela/