Page 37 - KPA DEC 30,2015

Turista a sigui duo di ladron te ora el a haya

nan

on: December 29, 2015In: SucesoNo Comments
Print Email

Dialuna madruga, Central di polis a ricibi un melding cu dos hoben lo a atraca un turista un rato
prome y a bay cu su tas.
A manda un patruya di Playa na altura di Cas di Cultura, caminda cu e dos hobennan indica, lo a
bay cu tas di e turista y cu e turista lo a sigui e hobennan na pia. Na e luga, patruya a topa cu un
colega na civil, kende tabata tin dos hoben wanta. El a declara cu el a wak e dos hobennan ta
core riba parkeerplaats di departamento di impuesto, y cu tabata wordo persegui pa un homber.
El a dicidi di bay wak pa mira kico ta pasando. E homber (e turista), cu tabata persigui e
hobennan, CACG, a declara cu un rato prome el a wordo horta pa e dos hobennan y tabata sigui
nan na pia. Ora cu patruya a papia cu e turista, el a declara cu e tabata riba beach, caminda “Love
Festival” a tuma luga. Eynan ta caminda e dos hobennan a ranca su tas for di su nek y a core bay.
El a sigui nan na pia y durante e persecusion e por a mira cu un di nan tabata coba den e tas y
tabata benta e articulonan riba caminda. Un rato despues el a bin haya su tas riba e parkinglot
bao di un auto staciona. Ora cu el a wanta e hobennan aki, nan a purba di laga los.
E denunciante a wordo acerca pa algun hende y a mustr’e unda cu e tas a wordo benta. Despues
cu CACG a controla e tas, el a haya falta di su celular di marca Apple iPhone y mas of menos
$300. Ambos hoben a wordo deteni rond di 12’or y 50 di marduga y hiba warda na Playa,
caminda cu nan a keda presenta dilanti di fiscal auxiliar y encarcela pendiente informacion. E tas
a wordo confisca.

http://masnoticia.com/turista-a-sigui-duo-di-ladron-te-ora-el-a-haya-nan/