Page 30 - KPA DEC 30,2015

Dama a bay reclama chofer di La Roca Ice y a haya un
mokete den cara

Publication: Wednesday, 30 December 2015. Categoria: Policial
Homber ainda ta dal muher?

ORANJESTAD (AAN); A presenta Dialuna merdia na Warda di Polis na Oranjestad e señora
naci na Hulanda di inicial E. di 27 aña di edad.
El a denuncia e homber cu ta core un vehiculo di “La Roca Ice”.
Segun version di E., e tabata den careda di 11:30’or di mainta na altura di Dakota Supermarket y
aki a surgi problema na unda e vehiculo A-35462 di e compania La Roca Ice por poco a
ocasiona dalmento. Despues a surgi intercambio di palabra cu a sali for di man.
Segun E. a relata, mientras e tabata reclamando y yamando Polis, inesperadamente e chofer di e
vehiculo, a djis rek mokete y a dal e cune. El a haci esey, pasobra e homber a rabia cu el a yama
Polis.
Sin provocacion, ni nada! Djis dal mokete. Y pa malasuerte, Polis no a ni presenta mes na
Dakota pa e caso aki.
E dama di inicial E. a mustra polis e marcanan blauw y rasca na man y dede drechi. Ademas
denunciante a declara cu e homber a dal e na cara banda robez, y cu el a saca potret di e homber.
E potret a wordo plama riba Social Media na Aruba, y ya caba a identifica e homber.