Page 74 - MIN TTC 8 OCT 2015

Sindicato STA a core pidi pa Arubus hala atras e caso den corte y cu lo copera totalmente
cu gerencia di Arubus
Wednesday, 07 October 2015 21:26

Comparti

Relaciona cu e protesta, Teo Croes director di Arubus ta lamenta cu no ta solamente e empresa ta perde
entrada cu accionnan manera esun di diaranson, pero cu e cliente ta wordo afecta.

E director a menciona e otro puntonan di atencion cu el a ricibi di e empleadonan. E bushaltenan cu falta
iluminacion ta wordo drecha. E mashinnan den e busnan cu no ta trahando bon ta wordo drecha y ta
ricibiendo un upgrading di e software y e “report” cu e chauffeur no por saca e supervisor ta saca p’e.

E busnan sushi ta un asunto cu ta wordo adresa tambe; como cu nan ta wordo laba na man tin biaha por
pasa cu no ta alcansa pa tur wordo laba e mesun dia.

Cu e busnan ta den mal estado, e empleadonan a menciona sientanan kibra, wiper kibra y luznan kibra,
entre otro, no ta asina pasobra un garashi no ta laga ningun bus sali cu no ta sigur pa core cune, segun Teo
Croes. Sa pasa cu tin un “tekort” na bus hustamente pasobra cu e garashi no ta laga un bus sali, el a
agrega.

E punto cu empleadonan a pone riba nan lista encuanto di e uniformnan no ta algo cu ta perhudica hende
y no ta cos cu mester a bira un parti di un dilema y crisis, Croes a splica. El a bisa cu e trahadonan a bisa
cu nan kier e uniform di camisa geel bek y cu e carson blauw scur cu Arubus tin ya pa 36 aña ta uza ta trek
mucho solo.

Asina Teo Croes a elabora riba diferente otro punto den un entrevista diaranson.

El a bisa cu tabatin mencion tambe cu e chauffeurnan mester core mas duro pasobra tabatin “inkrimping”
di wardanan y pa nan alcansa haya nan break nan mester core mas duro. Esaki no ta cuadra, segun e
director, como cu a haci adaptacionnan pa logra pa tur cos cana manera mester ta. Un cos cu Arubus no
tin control over di dje ta trafico, cu por ta mas pisa cualkier momento di dia y asina ta causa cu e chauffeur
ta tarda mas riba un ruta.

E empleadonan a “sugeri” tambe den nan carta pa permiti nan pa cambia warda cinco of seis biaha pa
luna; actualmente nan ta permiti cambionan tres biaha pa luna, pero di otro banda nan mesun CAO ta
bisa “dos biaha”, Teo Croes a comenta.

Un otro punto di atencion di e planning di vakantie, cu segun e empleadonan no ta bayendo bon. Croes a
bisa cu e caso di pidi vakantie ta cu e empleadonan sa cu a vakantieplanning ta wordo haci na
cuminsamento di aña y na maart nan mester entrega nan peticion pa vakantie. Mas di 80% no ta entrega
nan peticion y nan no por spera cu nan ta pidi vakantie di un dia pa otro y esaki ta wordo aproba.

E asunto di insiguridad na e bushalte di Playa tambe ta wordo adresa caba y ta den proceso pa cera e