Page 5 - AAA-Flip_Neat

E introduccion di e kiosconan ta tumando luga den un temporada pisa di biahe, durante cu Aruba en
general y Aruba Airport Authority N.V. ta disfruta di high season, cu concentracion halto di pasaheronan.
Cu diferente vuelonan adicional y fluho mas grandi ainda di usuario, ta premira un otro temporada
record pa Aeropuerto Internacional Reina Beatrix y turismo di Aruba.
Aruba Airport Authority N.V. ta determina y ta haci tur esfuerso pa medio di inversionnan miyonario
den entre otro infrastructura, ekipo y entrenamento di personal, pa sigui brinda un servicio di calidad
halto y superior den region, unda cu e experiencia di e bishitante ta cada dia miho for di su yegada y te na
su salida for di nos isla.
E terminal di Aeropuerto cu nos conoce awe ta construi desde aña 1972, pero a conoce un renobacion
completo na aña 2000. Aruba Airport Authority, trahando den relacion estrecho cu Schiphol Group, ta
maneha un aeropuerto moderno y eficiente, cu tres diferente edificio cu hunto ta forma e terminal. Nos
Aeropuerto ta conta cu 66 ticket counters, oficina pa aerolinea nan y centro di compras pa pasaheronan
biahando pa Merca y pa otro destinacionnan.
Nos ta un di e poco paisnan na mundo cu tin presencia di e facilidad di U.S. C.B.P, esta Inmigracion y
Aduana Mericano riba nos isla, pa facilita pasaheronan y “pre-clear” vuelonan prome cu nan yega
Merca.
Na aña 2013, aeropuerto di Aruba a maneha mas di 2.3 miyon pasahero, cu a encera un crecemento di
mas di 8% compara cu e aña prome. Pa e aña aki, Aruba Airport Authority ta premira cu lo kibra nan
mesun record y sigui crece den cantidad di vuelonan y cantidad di pasaheronan cu ta pasa dor di e
terminal.

http://www.noticiacla.com/news/1810

Aruba cu e prome Automated Passport
Control kiosk den Caribe

Posted on 12/8/2014 10:14 pm AST | Updated on 12/8/2014 10:17 pm AST