Page 15 - Extra
P. 15
Djamars 29 Mart 2016 15
KANDELA GRANDI DEN MONDI
WILLEMSTAD.- Djadumingu alrededor di kuat’or (4:00)
di atardi brantwer mester a atendé ku un kandela di
mondi hopi grandi. E kandela aki a plama fo’i den e
área di Sapaté i yega kasi den área patras di e iglesia
House of Worship riba Erosweg. Brantwer mester a usa
strategia pa paga e kandela aki. A buska un loder pa
rosa e mondi pa asina logra drenta i kuminsá hasi e
trabounan nesesario. Mirando e rapides ku e kandela
tabata plama un dado momento a disidí pone un òf mas
kran riba ‘standby’ pa kita algun outo di kareda ku tin
na un garashi den serkania. Banda di e inkumbinensha
ku e kandela a trese kuné, abehanan a bira razu razu
tambe i konsekuentemente a pidi un apikultor pa kue
e nèshi bai kuné pa por a kontinuá ku e trabounan. E
kandela a keda dominá despues di kasi dos ora i mei.
Un bon trabou di parti di brantwer.
