Page 14 - IVA

Awe ta Dia Mundial di Diabetes

Slogan 2017: “Hende Muher y Diabetes: nos derecho riba un futuro sano”.

E Federacion Internacional di Diabetes (F.I.D) a anuncia, recientemente, cu e Dia
Mundial di Diabetes 2017 lo enfoca riba hende muher y diabetes bao slogan: “Nos
derecho na un futuro sano”.

FID a difundi e siguiente informacion tocante e celebracion di Dia Mundial di Diabetes
2017:

 Actualmente, tin mas di 199 miyon hende muher cu ta sufri di diabetes, y ta
wordo calcula cu e total aki lo aumenta na 313 miyon pa aña 2040.

E rolnan di genero y e dinamica di poder ta influencia e vulnerabilidad dilanti e malesa
di diabetes, ta afecta e acceso na servicionan di salud y e comportacion di buskeda di
atencion medico bao hende muher, y ta identifica e efecto di diabetes riba hende
muher.

 Diabetes ta e di nuebe causa principal di morto di hende muher na mundo,
causando 2.1 miyon di deceso anualmente. Como resultado di condicionnan
socio-economico, tanto mucha como adultonan femenino cu tin diabetes ta
sufri cu bareranan cu ta dificulta nan acceso na prevencion, deteccion precoz
di e malesa, su diagnostico, tratamento y atencion, particularmente den e
paisnan den via di desaroyo.

 E desigualdad social-economico ta expone e hendenan muher na e factornan
principal di riesgo di diabetes, cualnan ta inclui un dieta y nutricion pober,
inactividad fisico, consumo di cigaria y consumo perhudicial di bebidanan
alcoholico.

 Dos di cada cinco hende muher cu diabetes ta haya su mes den edad
productivo, mas di 60 miyon den henter mundo. Hende muher cu diabetes tin
mas dificultad pa sali na estado y por confronta cu resultadonan negativo
durante embarazo.