Page 17 - IVA

4 Djamars 14 Novèmber 2017

Inspekshon a kita

instrukshon i multa di Sehos

Inspekshon: ‘Hospital a kumpli ku nos petishon pa informashon’

WILLEMSTAD.- Direktor Jan Huurman a kita multa instrukshon, ku Inspekshon resientemente. Motibu pa tabata ku Inspekshon a
di Inspekshon di Salubridat pa Sehos i tambe kita e a pone riba e hospital e instrukshon i e multa pidi pa e kondishonnan
kua bou siruhano Michel
Berry a kuminsá traha na e
hospital atrobe. Na promé
instansia Sehos no ke a
informá Inspekshon tokante
e kondishonnan. Manera
ta konosí siruhanonan
Berry i Fa-Si-Oen tabata
poné riba non-aktivo
den kuminsamentu di e
aña aki. Despues tabatin
kontakto ku inspekshon
di Salubridat. Pero segun
direktor di inspekshon Jan
Huurman: ‘Na momentu
ku nan a kuminsá traha
atrobe, nan a ninga di duna
un informashon kompletu
tokante e akuerdonan
entre hospital i siruhano,
spesialmente tokante e
kondishonnan di trabou.’
Segun Huurman esaki
ta importante pa asina
Inspekshon por kontrolá si
tur e siruhanonan na Kòrsou
ta konfirmá nan mes na un
sistema di kalidat kontrolá.

Despues di un promé
instrukshon, siguí dor di
dos instrukshon i tambe
multa poné riba e hospital,
Sehos a manda informashon
tokante kondishonnan di e
relashon di trabou entre
Berry i Sehos. Nan a manda
e informashon djabièrnè
pasá den oranan di atardi,
ku tabata e ‘deadline’ pa e
multa. Huurman djabièrnè
anochi a splika EXTRA
ku a instruí huristanan di
Inspekshon kaba pa tuma
siguiente pasonan den
kuadro di e di dos multa,
kada un pa un montante
di 10.000 florin. Tur dos
multa tabatin un máksimo
di 100.000 florin.

Durante e wikènt
Huurman a lesa e
dokumentunan. Djaluna
mainta el a informá EXTRA
ku Sehos a kumpli ku tur
nan petishonnan. I pa e
motibu ei e multa i tambe
e instrukshon a kita for di
mesa. Manera ta konosí
Hospital Advent tambe
a haña un petishon pa
informá Inspekshon tokante
kondishon di trabou pa
siruhano Fa-Si-Oen. Pero
Advent no ta di akuerdo
ku e petishon. Nan a hiba
Inspekshon korte pa motibu
di e petishon.