Page 15 - IVA

 Sin planificacion di embarazo e diabetes tipo 1 y 2, por resulta un riesgo
significativamente mas halto di mortalidad y morbilidad tanto maternal como
infantil.

 Aproximadamente un di cada siete nacemento ta wordo afecta door di
diabetes durante e gestacion (DMG), locual ta n menaza grave, pero ignora,
pa e salud materno y infantil.

 Hopi hende muher cu DMG ta sufri di complicacion relaciona cu embarazo,
incluyendo hipertension arterial, parto dificil y babienan cu ta nace cu peso
eleva. Un cantidad importante di hende muher cu DMG tambe ta desaroya
Diabetes tipo 2, locual ta resulta den complicacion y costo di salud adicional.

 Stigmatizacion y discriminacion cu pacientnan diabetico ta confronta ta mas
marca den mucha muher y muher adulto, kendenan ta lastra e doble carga di
discriminacion debi na nan salud y e desigualdadnan perpetra den
sociedadnan domina pa hende homber.

E desigualdadnan aki lo por disuadi e muchanan muher y muhernan adulto pa busca un
diagnostico y tratamento na tempo, evitando asina resultadonan di salud positivo pa
diabetes.

E CAMPAÑA

E campaña di Dia Mundial di Diabetes 2017 lo promove e importancia di e acceso
posible y ekitativo pa tur hende muher cu tin diabetes (of cu ta den riesgo di adkiri
esaki) na remedi y tecnologia esencial pa diabetes, como tambe informacion y
educacion tocante auto-control cu nan mester pa logra resultadonan optimo y fortalece
nan capacidad di preveni diabetes tipo 2.