Page 23 - IVA

ora ta papia di emergency, ta papia di ICU y ta papia di Camber di Operacion cu
tur a wordo poni for di funcion, ya cu no por a mantene pashent eyden. Nan a
wordo transporta den cas tambe, pero na un caminda cu ta mas safe. Menos
ekipo, pero eynan nan tabata safe.

Awor aki cu tur cos ta safe, ta pasando tur pashent bek den nan luga original.
Tin caminda cu ainda tin molester di e holo, pero tin di nan ainda ta cana cu
masker pasobra e ta iritante cu tin cu traha cu e holor continuamente. Ta papia
di laboratorio tambe, cu ta un servicio hopi importante cu mester a evacua tur
hende eyden pasobra nan no por a keda, ya cu caminda cu e spill tabata, tabata
tin efecto directo den e luganan ey. Tambe den e sistema di airco, e ta percura
pa plama rond den cas, pa haya e huma di esey.

E peliger of riesgo mas grandi cu tabata tin, locual cu Elmar a percura pa bisa
cu esey ta e riesgo, mester keda leu for di dje, e fume cu a sali for di e likido ta
algo cu ta flamabel. E mester di un chispa chikito. Nos no por ni imagina kico lo
ta e resultado di su impacto. Lo a haya un explosion cu tur e consecuencianan
fatal di dje. Esey tabata bringa cun’e

Ta ora cu tur e riesgonan aki a wordo elimina. A haya oficialmente OK.

DTI a bin check, DOW tambe a bin check. Tabata tin hende di Calamiteit
Commissie tambe tabata tey, pa ta sigur di loke ta haci tabata safe, cu tur e
experticio necesario, a tuma e siguiente stapnan.

Causa

Un cos ta un hecho tambe, ainda no por saca afo causa di locual a tuma luga.
Investigacion lo bay tuma luga awo. E partido cu hospital tin di haber cun’e ta
SOGA y for di e top di SOGA a wordo priminti caba cu ta bay tin un
investigacion riguroso di un grupo externo cu lo bin di afo pa bay wak kico
precies a tuma luga y cu a trigger loke a sosode, cu e resultadonan lo wordo
haci conoci na hospital.