Page 28 - IVA

DOW a wordo notifica na tempo y nan mesora nan a prepara nan ekipo y cuminza
chupa pa asina e leakmento no por a yega te e plaza pero a keda na e planta.

Geermans a splica kico ta e diferencia entre e planta y e plas. E awa cu ta drenta e plas
ta esun cu a wordo procesa na e planta y di eynan ta drenta na e plas.
Afortunadamente, DOW a contene e diesel y durante henter e fin di siman personal di
Departamento di Calamidad a traha riba dje hunto cu expertonan di DOW pa contene
pa e problema no yega te e plas. Pero e planta hunto cu e plas ta conoci como Bubali
Plas.

Sr. Geerman a subraya cu pa diasabra anochi, ora cu e testnan di laboratorio a tuma
lugar, a resulta cu e awa tabata limpi pa drenta den e sistema.

E funcionario a acentua cu door di e situacion aki nan a experimenta un “perfect
storm”. Kiermen, e problema a sosode den nos unico hospital y mester a evacua, pero
Aruba a sigui draai su tras. Hospital su plan di accion a funciona. Tabata tin Brandweer
cu a tuma e encargo di evita e riesgo pa candela. Tambe a envolve Departamento di
Salubridad, cu tabata den un riesgo mirando cu un hospital so Aruba tin, y na e
momento ey Rampen Bureau a bin aden mescos cu Departamento di Naturaleza y
Medio Ambiente, door di impacto cu por a causa den nos medio ambiente.

Tur departamento traha conhuntamente y ora cu hospital a keda estabiliza a sigui pa
estabiliza Bubali Plas, pasobra tur dos, tanto Hospital como Bubali Plas ta di interes
nacional y como tal e situacion a wordo atendi tambe.

Ibisa kier haci e comunidad conciente riba e
problematica di Diabetes na Aruba