Page 27 - IVA

- Advertisement -

Sr. Rino Geermans hefe di Rampen Bureau:

ORANJESTAD (AAN) – Dialuna mainta, den e mirador di Bubali Plas nos redaccion a
tene un entrevista cu señor Rino Geermans, Hefe di Rampen Bureau.

T’asina cu Departamento di Calamidad a hunga un rol crucial na momento cu den
Hospital dr. Horacio Oduber nan a bati alarma, relaciona cu e leakmento di fuel cu na
dado momento a yega te e planta di Bubali Plas.

Sr. Geerman a splica cu efectivamente, e leakmento di fuel cu a surgi na hospital a bay
den e sistema di riol cu ta bay te e planta di Bubali Plas.

Esaki a wordo poni como prioridad Diabierna, en coordinacion cu e team di crisis di
HOH, pasobra e ora cu e structura nacional a set up, ya caba Brandweer tabata tine bao
di control mientras cu e crisis team a evacua tur pacient y pone e trahadornan sigur.

Despues di esey a keda cu e crisis secundario, sr. Geermans a splica. El a splica cu
crisis primario ta ora tin horcan of temblor fuerte (teremoto) pero secundario ta ora un
structura ta kibra of tin candela. Pues, un crisis secundario ta loke a sosode na Hospital,
Diabierna.