Page 15 - HOH

12 AWEMainta Dialuna, 4 November 2019

Homber agresivo a hinca cacho den Panamastraat

DIADOMINGO pasa di mey anochi
polis a bay un adres den Panamastraat,

unda un homber lo a abusa di un cacho
door di hink’e un of mas biaha cu cuchiu.

Esaki tawata informacion cu polis a ricibi

y mesora a bay e adres.
Na yegada polisnan a haya sanger ariba

acera y mas area.
Ey nan a bin topa cu e homber cu mirada

straño y agresivo. Segun nos a compronde

elo kier a ataca agentenan cu e cuchiu.
Aki ta unda a pidi mesora pa refuerso.

A logra domina e homber aki na yegada di
mas polis y pone den boei. Na e momento

ey no por a bisa ariba ki sorto di substan-

cia elo tawata ta. El a wordo transporta
pa warda di polis pa crueldad cu animal.

Accidente cu hopi daño material den Caya Jose Geerman

DIADOMINGO mainta pa mas o menos
10’or un accidente basta serio ta sosode altura

di Johnsons Supermarket.

Un auto saliendo di e caya pariba di e super-
market no a calcula velocidad di e auto binien-

do pariba.
Polis y ambulance a cuminsa bay e direccion,

unda cu un Nissan Sentra a dal contra un Toy-

ota Yaris cu a sali for di pariba di e supermar-
ket.

Mester remarca cu e Sentra tawata coriendo
cu velocidad hopi halto ora el a dal’e Yaris.

Asina mes chauffeur di e Sentra a lastra un

brake tratando di evita un dalmento, pero sin
resultado.

E Sentra a dal contra e Yaris den banda, pero

debi cu e Yaris ta RHD niun hende a resulta
herida, pero chauffeur di e Sentra si a resulta

herida y mester a haya tratamento medico.

Paramediconan a atende cun’e na e sitio.
Takelwagen a presenta y mester a move ambos

auto cu a keda hopi destrui.