Page 72 - AVP
P. 72
Un direccion pa Aruba den un caos mundial
March 10, 2020
0
SHARE
Facebook
Twitter
- Advertisement -
Encargo historico a wordo entrega na mr. Evelyn Wever-Croes
*Coronavirus a bira reto mas grandi den gobernacion Aruba
*Prome Ministro na timon politico mientras mundo ta bini abou
ORANJESTAD (AAN) — Ora pueblo acudi na e urna electoral, e ta dicidi riba e cuerpo di
su representantenan, Parlamento. Ta den cuna di democracia, ta nace e decision kende
lo keda na timon politico diario di e pais.
Como resultado di eleccion 2017, mr. Evelyn Wever-Croes a haya e tarea pa presidi e
Conseho di Ministro basa riba e decision di e coalicion mayoritario den Parlamento di
Aruba.
Na 2017 e actual Ministro Presidente di Aruba sigur no por a mira kico futuro tabata tin
prepara pa su persona y e actual gabinete di Ministro.
Cu e lo no tabata nada facil, ta algo cu e por a mira adelanta. Na momento cu mr.
Evelyn Wever-Croes a asumi su encargo como Ministro Presidente, ya Hulanda a
interveni den e gobernacion di Aruba cu tabata den un situacion financiero serio.
