Page 50 - MIN TTC 20 OCT 2015

Door di deshaci di prohibicion di contractonan fiho por crea
un cantidad di oportunidad di trabao

Publication: Tuesday, 20 October 2015. Categoria: General
James Hepple:

ORANJESTAD(AAN): James Hepple, presidente di AHATA, a duna su comentario riba e
cambio di ley pa loke ta 1613X.
E ta opina cu AHATA tabata envolvi pa un tempo largo den esaki pasobra e discusionnan
tripartiet ta bayendo hopi atras.
Nan tabata activamente envolvi cu e minister anterior di labor, esta Otmar Oduber na 2010 y e
eliminacion di e prohibicion riba contractonan indefini a worde discuti.
E tabata semper riba agenda cu e lo worde removi, consecuentemente ora cu Paul Croes a bira
minister di labor, el a comenta cu ta algo cu mester worde discuti.
Na principio di aña tabata tin discusionnan tripartiet entre dunadonan di trabao, gremio sindical y
gobierno, y a discuti un cantidad di otro cambionan propone, cual un di nan tabata e eliminacion
di e prohibicion.
A discuti cu door di deshaci di esaki door di no tin e habilidad di contractonan indefini, por crea
un cantidad di oportunidad di trabao, cual e minister a bay di acuerdo cu AHATA y esey ta loke
e ta propone awor. AHATA ta contento cu e propuesta di e minister.
Lamentablemente tin un mal comprondemento awor aki, pasobra si wak kico ta pasando otro
caminda na mundo y hopi otro pais tin contractonan fiho, particularmente na Europa, pero tambe
na Asia y Latino America. Contractonan fiho generalmente ta riba un averahe di 12% di forsa
laboral ta traha riba contactonan fiho.
Na Europa e ta significativamente menos. Esey nunca lo por bay reemplasa un contracto
completo. Esey ta mustra un otro manera pa haya cuponan di trabao pa hobennan y esnan cu no
tin experiencia y AHATA ta pensa cu esaki ta hopi necesario.