Page 52 - MIN TTC 20 OCT 2015

Hopi bon expectativa encuanto nos turismo crusero lo wordo
trata den simposio diahuebs

Publication: Tuesday, 20 October 2015. Categoria: General

Orado principal ta di Royal Caribbean:

ORANJESTAD (AAN) – Dialuna mainta, den e sala di conferencia di gobierno, Minister Otmar
Oduber, titular di Turismo, Transporte, Sector Primario y Cultura, a tene su rueda di prensa
semanal, den cual el a referi na simposio cu lo tuma lugar diahuebs di e siman aki, tocante
turismo crucero y tambe a bolbe reacciona encuanto cierto criticanan cu e ta ricibi di fraccion di
MEP.

Tocante e simposio cu ta bay tin den nos mundo di crucero, e aña aki ta bin un speaker
internacional como orado principal ken ta un representante di Royal Caribbean na Aruba y cu ta
encarga cu e parti di Pulman Tour.

Esaki ta bay ta un momento hopi special den e inicio di e temporada halto di e mercado di
crucero, te cu Mei di otro aña.

E dignatario a subraya cu Aruba, prácticamente, desde tres aña pasa nos no conoce temporada
baha pa loke ta trata turismo di crusero, pero a impulsa e industria y a logra mas of menos un
crecemento di mas of menos cien mil pasahero crusero adicional, cu gran parti di dje a ripiti su
mes ta den e temporada entre Mei cu October, cu normalmente tabata masha minimo, pero cu
den e ultimo tres añanan por a mira actividadnan continuo den nos waf.

Durante henter e aña esaki ta trece trabao pa e operadornan di turismo y tur esnan cu tin di haber
cu e industria aki, e dignatario a señala.

E dos ultimo añanan cu a transcuri, esta 2014 y 2015, ainda a conoce un crecemento grandi
aunke tabata tin un disminucion minimo, mas of menos 7 pa 8 porciento, pero ainda ta mantene
un margen un poco mas halto, compara cu cifranan cu tabata tin anteriormente, pero cu pa aña
2016 e expectativa ta cu lo kibra e record unda cu Aruba lo yega na 700 mil pasahero crusero.

Esaki ta un cifra bastante indicativo, si mira e consecuencianan positivo cu esaki ta nifica pa nos
economia, e dignatario a subraya, pa nos centro di ciudad specialmente pa esnan cu ta haci
negoshi, cu tur e oportunidadnan cu esaki ta presenta pa futuro.

E posible aumento di bishitantenan cu lo bin Aruba e mandatario ta mire como algo hopi
positivo, y manera ta conoci pa aña 2015 tambe, for di Januari, Aruba a aumenta su entradanan
tambe.

Esaki door cu e pasaheronan abordo di barconan lo paga na lugar di 3.50 dollar, un suma di 8.50
dollar di tax. Esaki ta un cremento riba cual gobierno logicamente a negocia for di dos aña pasa
cu tur e companianan crusero.