Page 51 - MIN TTC 20 OCT 2015

Mundo a cambia. Basicamente loke por bisa cu por discuti cu entre 4 pa 5 mil persona sin trabao
na Aruba, e prohibicion di contractonan fiho, no ta creando e oportunidad cu por permiti e
hendenan aki haya experiencia laboral.

Loke ta discuti ta pa permiti e contractonan fiho, por provee gran oportunidad pa hendenan
hoben pa haya e experiencia suficiente di trabao. Den futuro e ora nan por pasa pa un trabao vast.
Basicamente e contractonan fiho a traha den pasado cu entrenamento. Esaki por provee un
oportunidad pa hendenan mas hoben, personanan inexperencia y personanan mas grandi, pa nan
tin oportunidad pa sigui traha.

Ora cu minister Croes a worde apunta como minister di labor, prome cos cu el a haci ta evalua
cambionan cu a worde introduci pa minister Oduber. Basicamente el a bisa cu esakinan tabata
cambionan cu a worde introduci na 2013 y ban wak con nan ta traha. A bay di acuerdo y como
resultado a bisa OK cu esaki ta trahando, algun otro mester refinamento y sigui padilanti.

Mundo ta cambia constantemente y ora cu economia ta 90% dependiente di turismo, cual
basicamente ta nifica cu ta competiendo cu tur otro pais na mundo, mester keda al tanto cu loke
ta anda cu e resto di mundo.

Contractonan fiho no ta nada inusual, sino e ta algo hopi comun den e ultimo 20 añanan y Aruba
mester sigui cu tempo y tin cu duna hendenan hoben y esnan madura y esunnan cu no tin hopi
experiencia pa haya e experiencia. Loke AHATA ta bisa ta cu esaki ta necesario.

Claramente ainda tin cambionan cu tin cu sosode y esaki ta sigui worde discuti cu e minister,
Hepple ta comenta.

http://www.diario.aw/2015/10/door-di-deshaci-di-prohibicion-di-contractonan-fiho-por-crea-un-
cantidad-di-oportunidad-di-trabao/