Page 7 - AM210412

Dialuna, 12 April 2021 AWEMainta 7

Carlos Bermudez a confirma di lo participa

n’e proceso electoral na juni awor

“DIASABRA (10-04-2021) mainta 7:30 mi tabatin
un compromiso personal y na yegada mi a wordo
informa cu den e matutino AWEMainta, mi nomber
a wordo menciona como un di e candidatonan di

AVP cu lo NO participa den e proceso electoral di
juni 2021.
Mi promer reaccion tabata cu akinan SIN DUDA ta
trata di mal comprendimiento.
Diasabra atardi ora mi a yega cas di mi compromiso
personal y na momento cu mi a habri mi telefon,
mi a tuma nota cu hopi di mi sostenedornan ta
preocupa pa loke a sali den e matutino.
Mi persona Carlos Bermudez “e Nortero”, kier a
informa tur mi sostenedornan (esnan di eleccion
2017 y y tambe esnan pa cu eleccion 2021) cu mi
TA participa n’e proceso electoral di juni benidero.

Mi persona lo participa pa motibo cu mi
sostenedornan, famianan, conocirnan ta sostenemi
y kere cu mi ta un persona cu lo trece cambio den
e politica na Aruba.

Pueblo ta anhela un politica diferente.
Pueblo ta cansa di politiconan cu ta: Keda biba
den pasado enbez di busca solucion pa cosnan cu

den pasado a bay robez; Sinta hunga mooi weer
solamente pa nan por keda sinta riba e stoel; Bruha
entre politica y novela; Bringa otro den Parlamento
enbez di traha hunto pa progreso di nos pais. Semper
por tin diferencia di opinion, pero na final mester
tin espacio pa dialoga y yega na decisionnan cu ta
BON pa nos pais; Laga materialismo trapa ariba e
homber chikito.

Ora un pueblo duna un politico su sosten y confiansa
pa goberna un pais e no ta dune pa sirbi su partido
of su benfecio personal, e ta dune e sosten y con-

fianza pa bira sirbidor di Pueblo y Pais. Pueblo kier
un cambio den e politica tradicional.
Eseynan ta algun di e motibonan pakiko
sostenedornan kier mira mi persona Carlos
Bermudez den politica. Mi persona ta cla pa sirbi
mi pueblo y mi pais, pasobra mi tambe kier mira un
cambio den e politca na Aruba y kier forma parti di
e cambio.

Progreso di nos pais ta bay man den man cu
progreso di nos dushi hendenan esey t’e motibo
cu progreso di nos hendenan y nos pais mester ta
na PROME lugar pa tur politico. Cu bo sosten y
confiansa den mi persona hunto nos ta bay trece
cambio den politica y traha p’e progreso di NOS
pais!! E-Nortero tey pabo y henter Aruba. Aruba
ta bo cas, mi cas....Aruba ta nos cas”, Carlos
Bermudez a finalisa su splicacion.