Page 72 - KPA

Dama maltrata door di su pareha, momento cu e

homber a choke

November 28, 2017 0 0 Views
Cunucu Abou – Dialuna anochi algo pasa di 9’or, polis a baya un adres na Cunucu Abou pa un caso di
violencia domestico. Segun informacion cu polis a haya tawata indica cu un homber lo tawata dal su
pareha.
Na yegada di polis nan ta constata cu berdad e dama a wordo basta maltrata y cu nan ta bay tin mester
di ambulance.
E homber a wordo deteni mes ora. Loke a capta atencion ta cu e homber tambe tawata tin basta sla na
cabes.
Segun nos por a compronde na e sitio, aparentemente un persona lo a yega momento cu e homber
tawata chocando e dama y dal e of a bringa cune, caminda ela resulta herida.
Despues cu transport a yega cune warda, a pidi un ambulance pa pasa warda y controle.
Na e apartamento personal di ambulance a atende cu e dama su golpinan.

Cuatro persona herida den accidente serio na
Cura Cabay

November 27, 2017 0 0 Views
Cura Cabay – Diadomingo anochi den careda di 9’or informacion a drenta di un accidente frontal na Cura
Cabay.
Mes ora a cuminsa manda polis y ambulance pa e sitio.
Na yegada di polis ariba caminda principal, nan ta topa cu un Hyundai Accent v-car y un Toyota Starlet,
ambos completamente destrui dilanti.
Den ambos auto dos ocupante.
Prome ambulance mes ora a bay trata esun mas grave, cu tawata un cabayero den e Accent. Segun nos
por a compronde, ta un pareha.
Prome ambulance a sali mes ora cu e cabayero direccion Hospitaal, mirando e slanan serio cu ela haya.
Su esposa tambe a wordo hiba hospitaal, pero nos por a wak cu e tawata papia cu e personal di
ambulance indicando cu e no ricibi asina hopi sla compara cu su casa.
Ambulance a bay over pa saca esun mas serio for di e Starlet. Tawata trata di dos hoben, un mas herida
cu otro.
Ambulancenan a transporta tur e heridonan pa hospitaal.
Segun polis falta di preferencia lo a hunga un rol.