Page 73 - KPA

Dilanti algun criatura, homber a maltrata muhe y

lage benta ariba vloer

November 27, 2017 0 0 Views
Bubali – Diadomingo atardi den careda di 6:30 ta bay cu urgencia un caya panort di Perle D’or, pa un
dama cu ta benta ariba vloer.
Na prome instante no tawata mucho cla kiko a pase, pero na yegada di polis nan ta constata cu ta
problema entre pareha y cu e homber a dal e dama. E caso lamentabel aki a sosode den un
apartamento, caminda tin algun criatura tambe y mas cu claro a presencia e pelea.
Na e sitio nos a wordo informa cu e yiu mas grandi a pasa man pa esnan mas chikito y core bay na e
bisiñanan pa bati alarma, bisando cu su mama ta benta ariba vloer.
Mes ora bisiñanan a avisa polis.
Na e sitio e homber cu a comete e acto kiermen cu e cos no ta asina serio manera e ta mustra y cu lage
bay paden papia cu e dama, agentenan a bise cu na warda e por bay splica kiko a pasa.
E no a gusta mucho, pero no tin otro manera e momento eynan.
Segun bisiñanan, e dama tawata tin basta rato ariba vloer. Ambulance a yega y despues di prepare a
transporte pa hospitaal. Slachtofferhulp tambe a keda di wordo poni na altura, na e sitio nos por a wak
un familiar di e dama cu a yega. Posiblemente e lo por bira e persona indica pa wak pa e criaturanan pa
awe nochi.
Pues asina nos ta wak cu violencia domestico ta algo hopi traumatico, no solamente pa e adulto pero
tambe pa algun criatura cu mester presencia esey.

Chauffeur basta bebi, ta dal contra lus di trafico

November 26, 2017 0 0 Views
Palm Beach – Diadomingo marduga den careda di 12:45 polis ta bay crusada di lusnan di trafico na Palm
Beach, pa un boksmento.
Na yegada nan ta topa cu un Mitsubushi Lancer, pega contra un lus di trafico completamente destrui.
Na stuur un chauffeur bou influencia.
Mes ora polisnan a pidi pa transportwagen.
Ta mustra cu e chauffeur aki sea a bay tuma un bocht hopi grandi, of a kita bay na su man robes y dal
contra e lus di trafico.
Momento cu ela sali di auto nan a mester a yude pa e subi den e transportwagen, pa motibo cu e no por
a casi para ariba su pia.
Ariba e anochi aki ta varios caso similar a presenta, esta cu chauffeurnan a dal palo di lus kibra y nan tur
tawata bou influencia y nan tur a wordo deteni y hiba warda di polis.