Page 65 - MIN.VOS 17 OCT,2015
P. 65
Proyecto Scolnan Saludabel ta stimula un estilo di bida mas
saludabel
Friday, 16 October 2015 20:18
Comparti
E proyecto Scolnan Saludabel ta stimula un estilo di bida mas saludabel, pero ta hopi mas amplio y ta
inclui hopi otro aspecto y tin ocho strategia cu ta traha cune; entre otro deporte y movecion; alimentacion;
salud y siguridad; cuido di e parti social-emocional; cuido di maestro; educacion encuanto di aspectonan
di salud; y participacion di mayor y comunidad.
Miriam Baiz, kende ta lidera e grupo di trabao pa cu Scolnan Saludabel, a comenta cu ta un hecho cu ora
tin salud, tin alegria, tin felicidad, y esaki ta sentimentonan cu ta pasa over di persona pa persona; y e ta
spera cu pronto e metanan/strategianan menciona lo por drenta scolnan preparatorio, primario y
secundario.
El a bisa cu expertonan di diferente ramo ta envolvi y ademas nan ta conta cu partnernan manera “Bo
Bario” pa pone atencion na crea luganan di recreo; cu Telefon pa Hubentud pa cu topiconan manera
“bullying” y otro instancianan cu tin programanan y experticio riba otro topiconan importante. No mester
reinventa e wiel pa cu Scolnan Saludabel, pero ta haci uzo di loke tin na programanan y sistemanan
existente, cu e guia cu ta disponibel.
Baiz a elabora riba e parti di siguridad na scol. Esaki no ta encera solamente heki y cura, pero tambe
siguridad emocional. E scol ta unda cu e mucha mester por sinti su mes bon y no menasa pa via di por
ehempel termento.
E grupo di implementacion ta trahando riba e plan, pa cual nan a ricibi un mandato cu a bin via di un
ministeriele beschikking na aña 2012. E MB a wordo firma pa Minister Arthur Dowers, e tempo ey como
minister di enseñansa, y dr. Richard Visser.
E grupo ta consisti di ocho persona cu ta traha na departamento di enseñansa, departamento di
salubridad, departamento di asuntonan social, IPA y IBISA.
A scoge pa cuminsa cu cinco scol pa cu e proyecto piloto; e scolnan aki ta ubica den diferente bario y cada
scol tin su retonan particular, pasobra cada bario tambe tin su retonan specifico, Miriam Baiz a comenta.
Na cada scol a tuma luga inventarisacion di e situacion pa medio di un lista di pregunta pa saca afo cua ta
e prioridadnan na cada scol den cuadro di cuido di salud y e specificacionnan di e proyecto. E stuurgroep
a ricibi asistencia for di dos experto for di Hulanda pa haci e trabao aki.
Despues a sigui e proceso pa traha riba actividadnan pa yega na e metanan di cada scol cu ayudo di
expertonan riba diferente tereno, programanan y varios instancia.
Baiz a splica cu tin hopi material disponibel, pero hopi biaha e scolnan no ta consciente cu tin e
