Page 66 - MIN.VOS 17 OCT,2015

materialnan aki of tin biaha hasta nan tin nan pero nan no sa con pa traha cu nan of con pa implementa
nan. Pa medio di traha na un forma estrecho cu e scolnan, brindando nan guia, ta logra motiva e
continuidad di e implementacion.

Varios encuentro ta tuma luga durante di aña pa asina keda riba e trayectoria y cu bista riba alcansa e
meta pa cumpli cu e prioridadnan. Durante di e encuentronan e personal di e scolnan ta haya oportunidad
pa intercambia di idea y informacion tambe.

Cierto retonan no por resolvi den un aña di tempo, pero ta sigui y tin biaha ta pidi asistencia di un of mas
stakeholder pa yuda den e proceso.

E grupo tambe ta wak necesidadnan manera wasbak den klas, watercooler, etc. y ta discuti e prioridadnan
di e scol individual cu cada team.

Pa e proyecto ta duradero e mester biba den e scolnan.

Miriam Baiz a conclui splicando cu e proyecto tambe ta inclui e proceso pa ofrece e muchanan un scol cu
ta atractivo, un luga unda cu cierto infrastructura ta wordo crea manera sombra y detayenan pa recrea
manera weganan pinta riba e schoolplein, unda cu no ta impone recreacion y movecion, pero ta crea un
situacion asina atractivo cu e muchanan mes ta motiva pa haci uzo di e facilidadnan.

Asina e elemento movecion por ehempel ta bira un parti di e forma di biba na e scol, y tur loke ta rond di e
muchanan ta hiba na algo mas saludabel.