Page 60 - Min Vos, 24 April 2015

Nursenan ta miho prepara pa cuida pashent cu PEG-Sonde

 Apr 24th, 2015
 Local

(Percutane Endoscopische Gastronomie) Sonde of catheter ta un tubo fini cu ta permiti e pashent
cu no por guli bon mas, no por guli mas, of ta pasa robes cu cuminda, pa ricibi e nutricion diario
cu e mester directamente den su stoma. E cuido apropia di e pashent cu tin un PEG ta esencial pa
sigura cu e pashent ta bira miho y tambe pa e no haya complicacion cu su PEG. E seminario
tabata e di dos sesion organisa pa Hospital riba e topico. Asina hospital ta yuda nursenan y
cuidadonan di pashentnan cu un PEG pa compronde nan miho y yuda nan y nan famianan evita
un infeccion na e sonde of cualkier complicacion. Menos complicacion ta traduci den un miho
calidad di bida y tambe menos “opname” na Hospital.

E Departamento di Endoscopia di Hospital a traha un buki di informacion nobo cu hopi
informacion valioso pa e pashent y esunnan cu ta cuid’e, y a introduci esaki durante di e un
seminario special, cu a conta cu Abbott (Mediscometics) como sponsor. Theo de Kool, director
financiero di Hospital, a ricibi e “prome copia” di e buki. Iraima Sophia y Giselle Tromp ta
nursenan specialisa di e Departamento di Endoscopia, tabata parti di e team cu a produci e buki.
Nan ta splica cu basa riba e prome “booklet”, cual nan a traha aña pasa a dicidi di añadi mas
detaye y mas informacion di interes pa tur e personanan envolvi cu cuido di e pashent.

E pashentnan cu mas frecuentemente ta ricibi un PEG catheter ta personanan cu a haya un
“stroke”, tin cancer of a perde nan habilidad pa kauw y guli pa cualkier otro motibo, incluyendo
e perdida di funcion pa via di e estado general di salud relaciona na edad halto. Rachel
Kraaijvanger, kende ta logopedista trahando na Departamento di Revalidacion ta splica cu ora cu
un profesional medico ripara cu su pashent tin dificultad pa guli of ta pasa robes cu cuminda, e ta
wordo yama pa haci un analisis. E ta splica cu pashentnan cu tin un complicacion neurologico,
no solamente “stroke”, pero otro condicionnan neuro-degenerativo manera parkinson tambe por
wordo conseha pa laga pone un sonde. Despues cu Kraaijvanger caba cu su analisis, dr. Caceres
tambe ta evalua e condicion di e pashent y e conseho duna. Tin biaha ta opta pa instala e PEG via
di nanishi, cual por keda solamente pa dos siman. Si ta necesario pa e pashent keda un PEG
despues ta pone un PEG na su stoma. Un dietista tambe ta bin pa duna conseho tocante cuminda
y bebida pa e pashent. E famia ta wordo envolvi den henter e proceso y ta ricibi e guia necesario.

E mensahe principal pa tanto e pashent, e persona cu ta cuid’e na cas of na casnan di hende
grandi y su famia cu ta contribui na su cuido ta pa tuma contacto libremente y si cualkier cos no
ta mustra manera mester ta pa tuma contacto di biaha cu e specialista di cuido. Zorgmanager
Tida Peterson-Maduro a bisa cu particularmente e curso ta valioso pa tur enfermero y ta yuda