Page 3 - MIN JUS SEPT 25, 2015

8 AWEMainta Diabierna, 25 September 2015

Entusiasmo grandi DEN HAAG – Un cantidad grandi di compania a
pa Green Aruba
Pre-Event registra pa atende e Green Aruba Pre-Event cu lo tuma
lugar dia 30 di september proximo den Kyocera Stadion
na Den Haag. Faltando un par di dia, por bisa cu e meta
pa cu e cantidad di registracion a keda surpasa. Esaki ta
mustra e interes grandi cu ta existi bou di companianan
Hulandes p’e vision sostenibel di Gobierno di Aruba.
Pa simannan caba un team tanto na Aruba como na
Gabinete di Aruba na Den Haag a bay ta trahando
estrechamente cu otro pa haci e evento aki un exito. E
pre-event tin como meta pa entusiasma e companianan
pa bay Aruba pa participa n’e di seis edicion di Green
Aruba Conference na fin di october.

E programa di e pre-event lo consisti di un presentacion
di Minister Plenipotenciario Alfonso Boekhoudt riba a
situacion actual pa loke ta proyectonan sostenibel y di
infrastructura na Aruba. Minister di Asunto Economico,
Comunicacion, Energia y Medio Ambiente Mike de Meza
lo concentra den su discurso riba e pasonan concreto cu
Aruba ta tumando p’e isla ta draai 100 porciento riba
energia sostenibel na 2020. Director di Utilities Aruba
Frank Hoevertsz lo bay mas den detaye durante di su
presentacion riba e aspectonan tecnico di e diferente
fuentenan di energia duradero.

Un ehempel di un proyecto concreto riba tereno di
energia duradero ta e solar park na Aeropuerto Reina
Beatrix. CEO di e compania Pfixx Solar Fons van
Pul lo duna un presentacion riba nan proyecto na
Aruba y tocante e facilidadnan cu Aruba ta brinda na
companianan pa inverti riba tereno di energia duradero
y desaroyonan inovativo. Den e mesun liñea aki Mart
van Bracht, Director di Energia di TNO lo papia riba e
experencia di TNO, cu nan establicimento na Aruba y
nan contactonan via di Aruba cu paisnan den Caribe y
Latino America.