Page 13 - AHATA

A3
LOCAL Diabierna 27 augustus 2021

Inversion den un planta di purificacion nobo pa Bubali tin

precedencia e momento aki

Materia prima di Aruba ta na peliger, segun ing Marlon Croes

E trabaonan ta andando pa haci trabao pisa di mantencion riba e
planta di purificacion di awa na Bubali, pero e urgencia ta pa busca
un planta completamente nobo. Un planta cu ta costa 50 miyon flo-
rin. Sinembargo, Aruba no tin e capacidad financiero na e momen-
tonan aki pa haci un inversion cuantioso asina. E realidad ta cu e
capacidad di inversion di Aruba ta completamente reduci.

Ing. Marlon Croes di DOW ta consciente di esaki. Como tal, a palabra cu e
Ministernan encarga pa mira cua ta e miho scenarionan pa por yega e suma
di 50 miyon pa haci e inversion pa un planta di purificacion mas grandi pa
Bubali.
Na momento cu Gobierno nobo sinta, nan lo mester scoge e ruta pa busca e
financiamento y e ora mester ehecuta e scenario ey, cu ta rekeri preparacion
di e proyecto, destaho y despues e construccion.

E sushado mester paga

E pregunta ta si e responsabilidad di e peso financiero aki mester cay riba
Gobierno of riba hotelnan y otro construccionnan dirigi na turismo, manera
proyectonan di condominio cu ta hopi. E ta obvio cu sin e hotelnan, e planta
ta traha net suficiente pa e residentenan di Aruba. Y ainda falta e conexion
di diferente condominio y e hotel grandi di Embassy Suits y tambe Regis cu
tambe mester haci uso di e planta na Bubali Plas.

DOW a hiba combersacionnan cu AHATA y ATA riba e tema y segun Mar-
lon Croes, Gobierno mester haya su ‘fair share’ pa por haci su manten-
cion rigoroso di e planta y pa expande esaki. Sinembargo e contribucion aki
nunca ta bin (na forma suficiente) for di sector priva. “Mester wak unda
Gobierno ta laga placa drumi riba mesa. Si mester adapta sistema nobo pa
haci un cobranza directo posibel, esey ta algo cu mester evalua y laga Gobi-
erno tuma decision. Esey ta un ‘business case’ lo meter ilustra, cua ta e miho
manera y a base di esey, introducie. E principio ta cu e sushado mester paga.
Si ta contribui mas hopi na e problema anto mester paga mas pa e manten-
cion. Na Hulanda y na Merca, tur parti rond mundo ta cobra pa haci uso di
e sistema di riolering pa asina por haci e mantencionnan. Aki e no ta tuma
luga.
Te awor e calidad di Bubali Plas ta bon pa e animalnan, ta haci uso di e yerbe
cu ta crece na Bubali Plas pa yuda saca e nutrientenan pa yuda mantene e
plas den forma natural prome cu e por yega lama . E ta yuda nos un tiki.
Mester yega na un punto cu mester haci mantencion regular riba nan, de-
termina ki tempo mester corta y permiti nan keda saludabel pa yuda purifica
e awa.
Posibel impacto pa lama

Gobierno tin den su poder un rapport di un investigacion cu Carmabi a haci
riba e condicion di nos lama y rif. E rapport aki, ‘Coral Reef Baseline Study
for Aruba,’ ehecuta na 2019, no ta publico, pero Bon Dia Aruba a compro-
nde cu tin datonan cu alarmante. Aunke cu no ta specifico riba e peliger di e
planta di purificacion di awa na Bubali, e rapport ta menciona e situacion aki
tambe como un menasa pa e calidad di lama di Aruba. Segun Marlon Croes,
den caso cu e planta di purificacion di awa no por wanta e presion, e awa di
Bubali Plas por core bay pa lama. Y esey ta nifica cu awa yen di nutriente lo
por bay den lama y esaki ta dañino pa e flora y fauna marino. Mester bisa
si cu te ainda na Aruba tin tres area unda awa sushi ta bay directamente pa
lama.
Dump vs Bubali
Di otro banda, ta buscando scenario pa yega na 50 miyon pa RWZI nobo
na Bubali, pero no tin un plan concreto pa remediacion di dump di Parki-
etenbos. Dump tambe ta un urgencia. Pero tin motibo pakico Bubali Plas
tin precendencia riba dump, Marlon Croes a splica. Bubali Plas ta den area
turistico. E ta infrastructura cu ta carga tur e awa residual di e industria di
turismo. Si no tene den bon condicion, tur e efectonan negativo pa medio
ambiente lo ta mas grandi y lo daña e materia prima di Aruba cu ta e beach,
nos costanan. Den otro palabra, e lo ta un golpi mas grandi pa e curazon di e
unico industria di Aruba. “Mi ta kere cu cada un tin su mesun merito. Cada
uno, riba nan mesun merito, tin urgencia pa keda soluciona,” ing. Croes a
agrega.

Mester bisa si cu a pesar cu a inverti den piezanan pa haci mantencion di
e planta, e sludge (solid waste) cu ta keda atras mester sigui bay Dump pa
keda kima den e incinerator.