Page 15 - AM201114
P. 15
Diasabra, 14 November 2020 AWEMainta 15
KCSN ta gradici tur esnan cu sostene nan fundraising
DIA 24 & 31 di october ultimo, Kiwanis Club of San
Nicolas (“KCSN”) a tene su “K-Pop Up Beach Wear
Fundraising Sale”. Un danki grandi na Joel Raijn-
herc & famia, kendenan a haci e donacion di e in-
ventario di beach wear cu asina nos por a bende pa
recauda fondo pa sigi cu nos proyecto nan planea pa
2020 & 2021.
KCSN kier gradici tur esnan cu a cumpra y asina
contribui bek na nos comunidad. Nos a logra recauda
mas di AWG 5.300,- cu lo yuda nos ehecuta e.o. nos
proyecto pa fin di aña pa duna bek na nos muchanan.
Keda pendiente p’e proyecto aki y e sorpresa pa nos
muchanan!
Durante e benta aki, nos a haña ayudo di YMCA San
Nicolas como tambe di 6 hobencita cu a dedica nan
tempo y a siña di duna bek na nos comunidad.
Ta di remarca cu dia 24 di october tur Kiwanis Clubs
rond mundo a participa den “Kiwanis One Day”. Un
dia pa aña unda tur Kiwanis Clubs ta activo den
comunidad. Kiwanis Club of San Nicolas no a keda
afor! Nos di KCSN a dicidi di planta e simia den
nos muchanan con pa sirbi nos comunidad, y asina
nos a verf & planta 50 pot di mata di fruta y ber-
dura pa reparti na nos “frontliners” di San Nicolas
y becindario. Esaki como un gesto di aprecio na nan
dedicacion y como motivacion den e temporada difícil
aki. E intencion pa nos proyecto nan ta pa enfoca riba
diferente topico di desaroyo personal di nos muchan-
an p’asina nos forma futuro lider den nos comunidad.
Kiwanis Club of San Nicolas kier a extende un pal-
abra di agradecimento na tur boluntario cu a aporta
pa haci e dos dianan aki posibel. Nos ta invita pueblo
completo pa follow nos riba nos Facebook page y asi-
na keda pendiente di nos proyecto nan pa fin di aña.
