Page 18 - AM201114

18 AWEMainta Diasabra, 14 November 2020

Parlamentario Shailiny Tromp-Lee (MEP):

Cu peticion special na DOW pa bin cu

solucion p’e situacion di caminda y lugar

di parkeo pa dos scol na Noord

DIARANSON ultimo Parlamentario Shailiny Tromp-Lee a acerca DOW
pa un solucion p’e situacion di caminda y lugar di parkeo di dos scol

na Noord. Tromp-Lee ta indica cu como Parlamentario el a keda acerca
pa diferente mayor y docente pa intermedia pa yega na un solucion p’e
siguiente caminda y lugar di parkeo:
1. Caminda y lugar di parkeo dilanti Scol di Hunga Chikitin Bin
Bin cu ta keda pariba di MFA Noord. Tromp-Lee ta indica cu e

problema di e caminda specifico aki tabata conoci pa su persona
caba.

Su yiu homber ta train baseball pariba di e scol y su yiunan a y ta bishita
Scol di Hunga Chikitin Bin Bin. Den pasado el a yega di trata e situacion
aki caba cu DOW, cu ex-Prome Minister sr. Mike Eman, cu ex-minister
Otmar Oduber, pero lamentableente te dia di awe no a yega na un solucion
concreto y duradero.

Awor cu awa ta yobe hopi e situacion ta hopi malo y e caminda
practicamente no por keda uza y e entrada di scol ta dificilmente

acesibel. E situacion aki a keda crea dor di e construccion di e lugar
di parkeo di MFA Noord y Gobierno e tempo ey no a percura pa
soluciona e problema crea. E problema aki ta uno structural y cu tur
aña ta keda presenta den temporada di yobida.

2. E otro situacion ta dilanti Felipe B. Tromp y Agnes Kleuterschool.
Mesun problema cu buraco y awa. No por para pa baha mucha
trankil y acesibilidad ta bira fastioso. Sin papia mes di e impacto cu

e situacion tin riba e trafico ora tin cu trece y busca e muchanan na
of for di scol.

Pa cumpli cu e peticionnan haci na su persona, Parlamentario Tromp-Lee a
dicidi pa haci un apelacion na DOW pa por bin cu un solucion a corto plazo

p’e scolnan aki. E ta en espera riba un feedback di DOW pa cu su peticion.