Page 16 - AM201114
P. 16
16 AWEMainta Diasabra, 14 November 2020
A yega Aruba e hoben di bario di Pos Chiquito
Korporaal Oswald Leomar Ferrin
Solarte cu diploma bou brasa
MANERA nos di AWEMainta a publica caba na principio
di e siman aki, cu Oswald, kende tabata conoci como un fut-
bolista di e ekipo di La Fama y algun aña atras a dicidi cu e
kier sigui cu su estudio como militar. El a registra p’e estudio
di ARUMIL, cual e mester a bay sigui na Corsou. Na final e
tabata un orguyo pa su mayornan Isha y Oscar di mira cu
Oswald a logra realisa su soño.
Pero e hoben mes tabatin ambicion y kier a sigui avansa den
e ramo aki y sigui un otro estudio cu a hib’e na bira Korporaal
der Mariniers.
Un aña pasa a scoge hunto cu tres otro colega mas, di e otro
islanan, pa sigui un estudio di un aña na Hulanda, esta pa
bira “Instructor Physical Training” na Rotterdam. Esaki tam-
be el a logra finalisa cu exito.
E tabata un orguyo grandi pa su mayor y rumannan di ricibi
Oswald recientemente na momento cu el a yega Aruba bek.
Na su cas a prepara un sorpresa p’e cu un recepcion di bon
bini di esnan mas cerca di dje.
Mariniers Kazerne mes riba nan porta a skirbi: “We are happy
with his return where we can thankfully use his profession-
al knowledge and skill with keeping our Aruban colleagues
physically fit and use.”
Pabien Oswald Ferrin Solarte cu bo logro, bo ta un ehempel
pa sigur e muchanan di bario di Pos Chiquito y becindario.
