Page 13 - Minister Mike de Meza

PAGINA 44 DIARIO DIAHUEBS 19 NOVEMBER 2015
Hopi awa den un solo rato a
inunda varios area di nos isla

ORANJESTAD (AAN):
Mientras cu hopi ta pidi pe pa
basta tempo, tog ora cu e cay
na abundancia y bira cierto
molester mesora e critica ta
bin su tras. Diaranzon merdia
e awacero pisa a cuminsa
pariba di brug y asina a keda
bin abou cu mas forza te den
Playa cu Noord. No ta un
awa cu a pinga of fingi pero
ta un awacero cu a basha na
smaak.

Un awacero pisa asina a
bin cu su consecuencianan
tambe pa diferente area den
Oranjestad. Te hasta riba
caminda principal e trafico
a pega formal. Hendenan
tabata core cu masha cautela
pero asina mes tabata tin
algun accidente cu a tuma
lugar. Autonan a slip dal
otro of slip dal tras di otro.
Caminda no sa tin fila largo
por a topa cu filanan largo.
E plasnan di awa mesora
despues di e yobida pisa
a pone cu autonan tabata
core slow pa pasa cu masha
cautela den plas di awa
desviando parcialmente dor
di esaki. Pesey mes coriendo
poco poco ta causa fila riba
camindanan principal cu
nunca sa tin fila.

Den Playa e trafico a stagna
full y ta pasenshi so bo
mester tabata tin pa por yega
bo destino. Habitantenan a
cuminsa move pafo di cura
mesora tambe pa busca drechi
di nan bari cu a drief bai. Ora
awa a cuminsa disparce a
ripara con sushi e cayanan a
keda tambe. Sushinan di cas
benta tur caminda riba caya
mey mey di caminda.