Page 60 - MIN ON 18 NOV 2015

Hans Timmermans no tabata contento cu e sosten cu meneer Capelo a ricibi di tur hende y a
considera e incidentenan un atake contra su persona y cu a kita su credibilidad como rector
manteniendo meneer Capelo na scol.

Mientras tanto siman pasa a yama un reunion general door di Rectorado cu tur docente di
Colegio Arubano cu presencia di miembronan di Raad van Toezicht di SMOA pa asina informa
e cuerpo di docente cu meneer Capelo no ta bonbini mas na scol y cu e Rector Hans
Timmermans lo a hasta haci denuncia na Polis contra meneer Capelo.

Segun nos por a compronde e reaccion y sentimentonan di e docentenan tabata mixto y a laga
hopi confusion atras mirando cu docentenan no por a kere loke nan a tende y cu tur esaki ta
pasando hustamente cu meneer Capelo, kende ta un docente hopi stima na scol y cu un
trayectorio impecabel.

Entre e reaccionnan tin personanan cu ta convenci cu e accion aki di e rector ta un manera pa
pinta meneer Capelo scur y core cune for di Colegio Arubano.

Henter e situacion aki ta uno masha lamentabel y a conduci cu e situacion fastioso actualmente
den Colegio Arubano. Tur e incidentenan aki ta pasando hustamente awo cu e presidente y vice-
presidente di e Raad van Toezicht di SMOA a tuma nan retiro lagando un situacion dificil atras
pa e docentenan.

http://www.diario.aw/2015/11/rector-di-colegio-arubano-a-prohibi-entrada-di-meneer-capelo-na-scol/