Page 61 - MIN ON 18 NOV 2015

Husticia ta forma un parti importante di Proyecto Scol Sigur

Publication: Wednesday, 18 November 2015. Categoria: General
Rulthaine Lindor, criminologo y beleidsadviseur pa Ministerio di Husticia

ORANJESTAD (AAN): E Protocol Nacional di Comportacion pa Enseñansa na Aruba
(Nationale Gedragscode Onderwijs) Aruba 2015 ta consisti di 13 diferente stakeholders, entre
otro, representantenan di e directivanan di scol mas grandi, Stichting
Katholiek OnderwijsAruba(SKOA), Stichting Protestant Christelijk Onderwijs Aruba (SPCOA),
Stichting Middelbaar Onderwijs Aruba (SMOA),
Stichting Educacion Profesional Basico (SEPB), Dienst Publieke Scholen (DPS), Instituto
Pedagogico Arubano (IPA), Sindicato di Maestronan Arubano (SIMAR), Directie Onderwijs
(DO), Tienda di Educacion (TDE), Stichting Arubaanse Kinder- en Jeugdtelefoon
(Telefon pa Hubentud), Stichting Fundacion Respeta Mi,
Ministerio di Husticia y Ministerio di Enseñansa y Famia.
Rutlaine Lindoor, criminologo y alabes beleids adviseur na Ministerio di Husticia a enfatisa cu e
plataforma di Bario y ta similar na e Veilige Huis cu ta un plan Hulandes uza na Hulanda y
Boneiro. Den e concepto aki diferente partner den husticia ta sinta hunto cu tur e schoolbestuur y
tambe Departamento di Onderwijs y otro fundacionnan y ta delibera diferente casonan.
Desde September tur stakeholders ta trece inforamacion dilanti cu ta encera problemanan cerca
hobennan y nan situacion na cas y di nan “peers” pa asina traha un plan di maneho y acerca pa
posibilidadnan di mehoracion tanto cerca e hoben cu ta den problema pero tambe su mayornan y
esunnan cu ta den contacto cune directamente.
Despues ta sigui e pasonan pa den conhunto resocialisa e hoben bek den sociedad. Husticia ta
parti di e programa Veilige Scholen y di e programa plataforma nacional. Hopi bes ta wordo pidi
pa e Polis ta den bario y tambe na scol.