Page 16 - AM220912

Suceso AWEMainta Dialuna, 12 September 2022

Chauffeur seriamente herida

Accidenta den ex Rondweg na Dakota

iasabra algun minuut despues di mey ano-
Dchi, a sosode un accident hopi serio den

Caya Papa Juan Pablo II, ex Rondweg.
Un Mitsubishi Pajero RHD, pa un of otro motibo e
chauffeur a perde control ariba e auto, e ta subi
acera y dal contra un troncon di un mata di kwihi

hopi grandi. Esaki a sosode net na e T-kruising
cu Awacatistraat.
E impacto tabata uno hopi fuerte mes, debi cu e
chauffeur a kibra e stuurwiel cu su pecho. Di of

otro manera e chauffeur a sali for di e auto y a
bay drumi riba e acera. E tabata tur na sanger y
tabata keha di hopi dolor. Tambe e tabata keha
di hopi sed y tabata pidi awa locual no a wordo

duna na dje.
Polisnan cu a yega prome na e sitio tabata trata
na papia cu ne y bis’e pa e keda trankil, mientras
tabata wardando riba yegada di ambulance cu

urgencia. Lamentabel ta cu e agentenan mucho
nan no por haci y solamente por consola e
victima den tur su dolor wardando ariba e ambu-
lance.

Despues cu e paramediconan di ambulance a
yega na e sitio, nan a trata e victima y cu urgencia
a transport’e pa hospital.
Mirando e gravedad di e accidente e special-

ista di trafico na e sitio a pidi pa departamento
tecnico di polis bin na e sitio pa haci mas inves-
tigacion. E Mitsubishi Pajero a wordo confisca pa
motibo cu su papelnan no tabata na ordo.

Pelea di turista na hotel a caba cu un persona herida y un otro deteni

iasabra den careda di 10’or di anochi presencia di polis a wordo pidi
D cu hopi urgencia na un hotel den High Rise Area, pa un pelea entre
turista cu lo a bay completamente for di man.

Na yegada polis a topa cu un persona herida y cu tabata tin mester di asis-
tencia medico. Mesora a pidi pa presencia di ambulance. Mientras polis a
bay atende cu e otro persona, e la wordo deteni. E persona herida a wordo
transporta pa hospital pa tratamento medico. E turista deteni a wordo

transporta cu transportwagen di polis pa oficina di strandpolitie, caminda
e la presenta dilanti Sub-fiscal. Despues e la wordo transporta pa Warda
di Shaba, e no lo tabata den condicion pa wordo baha dilanti di warda di
polis y a opta pa bah’e di biaha na e parti patras di warda, unda e celnan

ta. Tambe por a mira polisnan bisti cu handschoen pa por a bahe’e y hib’e
paden, su carson tabata mustra basta sushi.

16