Page 18 - AM220912
P. 18
Suceso AWEMainta Dialuna, 12 September 2022
Auto a pasa dal un dama
Chauffeur a sigui core
iabierna algun minuut prome cu mey anochi, presencia di
D polis y ambulance a wordo pidi riba e caminda di Solito pa
Tanki Leendert, na altura di Cas Casuela, pa un caso di hit &
run den cual un dama cu na momento cu e la bay pa crusa ca-
minda a wordo gedal pa un auto.
Na yegada testigonan a splica polis cu un Honda Accord lo a
pasa touch e dama y no a para pa su acto, e chauffeur a sigui
core bay. Testigonan a tuma nota di e marca y plachi number
di e auto, nan a duna polis esaki. Aparentemente e informacion
tabata cuadra cu e auto cu a hit & run.
E dama no tabata herida y no tabata desea atencion medico di
ambulance. Polis a cancela e ambulance. E caso di hit & run aki
a keda den man di polis pa mas investigacion.
Polis mester a bay
atende un problema
2 biaha na e mesun cas
iabierna den careda di 7’or y mey di anochi, presencia
D di polis a wordo pidi cu hopi urgencia na un adres na
Nuñe pa un bringamento cu lo tabata bayendo for di man.
Varios unidad di polis a bay na e adres aki, na yegada polis
a nota cu no tabata trata di un bringamento pero mas bien
un problema entre dos grupo cu hopi zundramento y grita-
mento.
Polis mesora a calma e situacion y a pidi nan pa esunnan
cu a bin busca problema pa nan bandona e sitio. Polis
keriendo cu cos a caba pero esaki no tabata e caso.
Algo prome cu 10’or di anochi, un biaha mas presencia di
polis a wordo pidi cu urgencia na e mesun adres na Nuñe
pa motibo cu un biaha mas e grupo a bin bek y e problema
a bolbe start.
E biaha aki polis a actua cu man duro y a bisa nan cu si nan
no bandona e sitio mesora, lo bay over na detene nan. Hopi
lihe e situacion a calma y e grupo a bandona e sitio.
18
