Page 13 - AWEM 210515

AWEMainta Diahuebs, 21 Mei 2015 13

Minister di Infrastructura, Benny Sevinger:

Trabounan ta siguiendo
pa cu embeyecemento
di nos pais

Trabounan haci pa DOW mes ta spar
placa y tempo pa pais Aruba

RECUPERACION, renobacion y revitalisacion di centro di

ciudad ta marchando di un manera satisfactorio danki n’e vision
y determinacion di Gabinete Mike Eman I y II.
Dialuna mainta Minister di Infrastructura, Benny Sevinger a
inspecciona e trabounan haci den Middenweg. El a expresa cu e
resultadonan positivo ta danki n’e sosten di henter Gobierno, bon
trabou di Infra Team y tambe pasenshi y cooperacion di pueblo.
Ta continua awor cu e cayanan paralelo y diagonal di Caya G.F.
Betico Croes p’asina caba di crea e centro di ciudad y centro his-
torico nobo pa nos isla.

Despues cu a finalisa cu e parti principal di Caya Grandi, tabata
riba peticion di Prome Minister Mike Eman cu a sigui p’e cayanan
na banda.
Minister di Infrastructura hunto cu Infra Team y Departamento di
Obranan Publico, a parti esaki den diferente fase y a delinea un
strategia pa su ehecucion.
“DOW a dicidi riba e diseño hunto cu DIP y a tuma varios trabou
pa nan mes p’e bay mas liher y menos costoso; eliminando asina
e proceso di destaho publico e.o. ya cu ta empleadonan di DOW
mes ta haci e trabou,” asina Minister Sevinger a splica, añadiendo
cu “Hendrikstraat bay riba ta DOW mes ta haci e trabou; nos tin
e experticio den cas y e productonan tambe.”

Otro proyectonan mas grandi, manera Schelpstraat, Wilhelmin-
astraat y Welcome Plaza si ta bay cana e caminda pa un destaho
publico ya cu ta proyectonan di un dimension mas amplio.
“Tin un combinacion pa nos yega na restructura y drecha tur e
area di Oranjestad entre trabou cu DOW mes ta haci y esun cu
sector priva ta haci.
Na final nos lo mester tin un caya cu ta vibrante, un caya cu ta
nobo,” segun e titular di Infrastructura.
Adicional na e trabounan fisico, Gobierno tin mas incentivo pa
revitalisacion di centro di ciudad manera proyecto di hotel, reno-
bacion di comercio existente y entrada di tiendanan nobo.
Tambe tin kiosko y terasanan cu lo aporta na movecion di hende
y crea e ambiente cu Gobierno ta desea di mira.

Manera Minister Sevinger a bisa: “E ambiente di economia den
centro di nos pais ta bay sigui biba den e proximo luna y añanan
nos dilanti.”
Naturalmente Gobierno di Aruba tin comprension p’e incomodi-
dadnan cu e trabounan ta ocasiona.
Minister Sevinger a pidi pa un poco mas di pasenshi. “Tur cos ta pa
un mihor futuro di Aruba. Mientrastanto, bin caya y bin sostene
nos tiendanan den centro di ciudad.”