Page 6 - 03o24

PAGINA 6 DIARIO DIAHUEBS 3 OCTOBER 2024
Alumnonan di Colegio
Conrado Coronel observando

insectonan

ORANJESTAD (AAN):
E asina yama Hardin di
Alimentacion di e muchanan
na Colegio Conrado Coronel
ta sigui crece, y pesey e
siman aki a enfoca riba e
biodiversidad cu e sistema
aki ta trece cune. Despues cu
ultimo simannan a enfoca riba
snoeimento di mata y tambe
planta algun simia nobo, e
biaha aki e alumnonan a pasa
man pa algun vergrootglas pa
descubri e insectonan chikito
cu ta contribui na e salud di
nan hardin, manera vruminga,
lisimbein, haraña, y hopi mas.
Ora cu a cada di explora
den hardin, nan a bay pinta na color un bunita pintura di e
animalnan cu nan a mira, cu a ser crea pa un gentil dama
aña pasa. Aki por mira con e muchanan di Colegio Conrado
Coronel ta sacando maximo probecho di nan Hardin di
Alimentacion. Rond di Aruba, cada 11 hardin cu a wordo
instala durente e Proyecto di Agroforesteria a brinda centenar
di muchanan na scolnan basico gran oportunidad pa siña. Sea
di agricultura, naturalesa of siguridad di alimentacion.

Diesocho studiante ta cla pa
cuminza nan carera di Polis

ORANJESTAD (AAN): E fecha 1 di October 2024 ta marca
un capitulo nobo pa 18 studiante di Polis na Scol di Polis E.J.
Watty Vos situa na Fortheuvelstraat na San Nicolas.
Den presencia di Minister Rocco Tjon, altocomisario in-
terino sra. Irma Gordon como tambe Hefe di Scol di Po-
lis Sra. Arrindell a haci e apertura di e klas nobo di polis.
Nan a haya un guia pa asina cera conocí cu e maneho di e scol
como tambe e maestronan y e materianan cu nan lo haya.
Minister Rocco Tjon ta satisfecho di mira studiantenan cu
interes pa bira Polis y dentro di poco lo tin otro klas nobo den
november. Sra. Gordon ta masha contento cu tin un klas nobo
atrobe y ta deseanan hopi exito y sabiduria pa asina nos por
haya Polis bon entrena y educa cla pa sirbi nos Pais. Cuerpo
Policial Aruba ta yama nan tur bon bini na e organisacion, Hopi
exito cu boso estudio policial.