Page 3 - HOH

Diasabra, 24 December 2022 AWEMainta COMUNIDAD 11

Ningun luga pa yiu di Dios

aria y Jose den e dianan prome cu nacemen-

M to di Hesus, a biaha pa Bethlehem, tumando
un ruta for di Nazareth na Galilea pa Judea pa asina
yega nan destino pa inscribi nan mes na Jose su ciu-
dad natal. Tur esaki pa motibo cu Caesar Augusto a
decreta cu tur hende mester ta inscribi na nan ciu-
dad natal y Jose a dicidi di biaha pa Bethlehem, hun-
to cu Maria kende tabata na estado e tempo ey di
Hesus. Pa ora cu nan a yega Bethlehem, ya caba Ma-
ria tabata den su dianan final di su embaraso pero

e ciudad tabata yen di bishitantenan kendenan tam-
be a bin pa inscribi nan mes y ni maske cuanto Jose
a bati na porta, a drenta den e luganan di estadia,
simplemente tur tabata yen y Jose a wordo mal sirbi,
cori ya cu e luganan tabata yen yen.

Dado momento ora cu pa di tantisimo bes Jose a

wordo cori, el a wordo acerca pa un homber kende
a indica cu e tin un stal un tiki pafo di Bethlehem, cu
no ta mucho cos pero cu por sirbi pa pasa anochi,
proteha nan for di friu y nan por drumi sin problema
algun. E situacion aki tambe, ta parti di e berdad
cu yama yiu di Dios, kende na algun ora di su nace-
mento, no tabatin luga p’e pero manera sin duda
Señor mes a anticipa y determina, su yiu lo bin riba
e mundo aki den tur humildad posibel.

Nos como siguidonan di Dios, tambe tin cu siña nos
lesnan di bida, caminda nos Señor lo percura pa nos
ora tur porta ta cera den nos bida dado momento,
cu semper un caminda sea un p porta of un bentana
di solucion ta habri pa acomoda nos mes cu nos
problemanan. E luga di nacemento di yiu di Señor
no tabata mas importante cu binimento di e ‘Lamchi

di Dios’ riba e mundo aki, ya cu el a trece Reino di
su Tata mas cerca di nos. Aki tambe por bisa cu tur
esunnan cu a nenga un luga di keda pa yiu di Señor,
nunca por a imagina nan mes ta kende nan a bira
lomba p’e pero nunca por a scucha cu nan a wordo
castiga na e momentonan ey.
Nan a ser priva di a brinda alohamento na e Mesias,
di a bira parti di e momento sagrado aki y pa nos tur
awendia, e situacion ta mesun cos, esta nos tin cu

habri nos curason pa Hesus, pa nos libra nos mes di
tur negativismo, di tur rabia cu nos tin pa cu otronan
y entrega nos mes na bendicion y gracia di nos Señor
nos Dios!