Page 13 - AM221221

Diaranson, 21 December 2022 AWEMainta INTERNACIONAL 13

Escasez grandi di

gasolin na Venezuela

VENEZUELA, un di e paisnan productor di petroleo mas grandi na
mundo, ta pasando den un di su pio crisisnan di combustibel na e
momentonan aki, caminda produccion di entre otro gasolin, ta asina
abou, cu chauffeurnan tin cu para mas cu 7 ora den fila pa haya un tiki

gasolin of diesel.
Gobierno di Nicolas Maduro a informa ayera cu gobierno di Iran a dirigi
un flota grandi di tanker pa Venezuela pa asina yuda e pais ey atende
cu e sancion nan cu Merca a impone contra di gobierno di e pais pa

violacion di derechonan di e pueblo.
Un total di 10 tanker lo hiba combustibel pa e pais Sur-Americano pero
na mes momento lo yuda den exportacion di producto petrolero ora
cu nan caba di entrega gasolin y diesel na Venezuela. E medidanan

impone ta causando problemanan serio pa un di e paisnan c’un tempo
tabata e pais mas grandi di produccion di productonan petrolero na
mundo pero awendia den algun sector di e pais, automobilistanan ta
pasa tin ora mas cu 24 ora sperando riba yegada di gasolin.

Polis a stop construccion di

pier y destruccion di Mangrove

DIALUNA den oranan di mainta polis a wordo pidi ariba e caminda
di Bucutiweg. Esaki tawata debi cu algun persona lo tawata cortando
e Mangrove nan y esaki ta prohibi. Na yegada di polis nan a topa cu

algun persona, cu tawata construyendo un pier sin tin e un vergun-
ning pa esey. Y polis a constata tambe cu nan a corta e Mangrove
nan. Despues di basta papiamento agentenan na e sitio a avisa DIP
y tambe polis di bario di e sucedido. Esnan na e sitio kisas no tawata

na altura cu kico por y no por, pero a haya nan ta stop tur locual nan
tawata bezig cu ne.