Page 15 - AM221221

Diaranson, 21 December 2022 AWEMainta
Hues a ordena hendenan cu a ocupa cas di piscado na Fuik pa sali mesora
WILLEMSTAD - E siman aki hues a ordena un grupo di
hende cu a haci doño di un cas di piscado na Fuik pa nan
sali mesora for di e cas pasobra ta propiedad di otro hende.
Nan a haci doño dje casita ilegalmente. y nan tin dos siman
a piki nan corotonan personal y bay busca otro luga pa nan
keda. Doño dje casita luna pasa a busca un abogado pa
pidi hues pa saca e hendenan for di su casita. A dagvaard e
invasor principal y tur e control hendenan cu ta uza e casita
sin permit pero niun a presenta.
Doño dje cas di piscado cu su abogado si a presenta y el a
conta hues cu for di 2010 el a haya permit di Bestuurscollege
pa uza e tereno cu nan ta yama Cura Burico pa traha su cas.
Loke no a bin dilanti ta con bin cu ta despues di 11 aña el
Cerca e negoshi Furniture Palace
Hues a plama contract di benta
di un cama mancaron na werki
WILLEMSTAD - Den nos edicion anterior nos ta publica
un veredicto di hues civil cu mester ta un advertencia pa
specialmente hendenan di poco recurso cu no por paga
sumanan grandi cash den un tiro pa cumpra por ehempel
mueble y ta laga e cliente firma contract inhumano y sinber-
guensa cu por costa e cliente dobel of tripel e prijs original.
Un señora cu ta traha na un hotel, un sector caminda
tambe tin masha abuso laboral ta sosode sin cu ni Sociale
Zaken ni sindicalismo por drenta actua pa caba cu abuso, a
comete eror di su bida ora el a cumpra un cama ne negoshi
Furniture Palace na Santa Maria. (Riba Facebook e negoshi
ta na benta y a bati bancarota mientras tanto).
Hues a comenta cu sincero`mente e señora tabata un cliente
ideal. el a cumpra su cama na cuota y maske e tabatin keho
serio y funda riba calidad dje cama y su patanan, el a paga
su quotanan religiosamente via banco.
Unico bes cu el a faya ta ora su entrada a baha durante e
periodo di Lockdown durante Pandemia pero el a informa e
hendenan di Furniture Palace debidamente y e negoshi no
a reclama e señora pe dos lunanan cu e no a paga. Dj’atras
manera ladron den anochi nan a busca abogado Rooijer pa
cobra e señora miles di florin na interes y boet na luga di
dos quota cu ta 468,44 florin.
Furniture Palace a para’riba cu esey ta den e contract den
caso cu un cliente faya cu un pago ni maske bo ta cliente
asina ideal cu el a paga mas cu e contract ta bisa.
E suma cu e señora a firma pa paga ta ANG 5,622.16 bou di
condicion cu si e cliente cay atras dos of mas luna e suma
di credito ta bira 8,433.24 florin!!!!!!!!!!
CORSOU 15
a bin tuma nota cu otro hende a haci doño dje cas y ta biba
den e cas sin permit y ni maske cuanto biaha el a yama polis,
nada a sosode pero busca nan pa cana hecha baina.
Hues a duna doño dje casita tur rason pa core cu e inva-
sornan pero lo duna nan dos siman pa nan hala kita.
Hues a condena e invasornan pa bay cu tur nan cosnan pero
laga cosnan dje doño den e cas.
Banda di esaki hues a condena e invasornan pa paga doño
dje casita 2.268,19 florin y si nan tarda, interes ta bin ariba
plus gastonan dje caso di corte cu ta NAf 763,28 na convo-
cacion pa presenta den corte, NAf 450 na Griffier y mil heldo
pa paga abogado dje doño di cas.
E condenado mester paga e sumanan aki mesora
Ademas e cliente mester paga 2,811.08 florin directamente
seguidamente tur luna 234.26 florin.
Si e cliente cay atras cu su pago e ta perde su derecho di
reclama producto cu defecto.
Ademas e contract ta bisa cu e tin cu paga un boet di 18%
pa aña y paga 5% dje suma total pa perdida di ganashi.
Si e caso mester bay corte, e cliente tin cu paga tur gasto.
Y como cherry riba e bolo venenoso, doño dje negoshi lo
laga publica su nomber como mal pagado den tur corant
na Corsou riba cuenta dje cliente!. Hues tabata clarito: tur e
cosnan aki ta intolerabel pa e cliente y como tal no tin balor.
Hues su argumento tabata masha simpel: corte tin poder pa
limita derecho dje doño di negoshi pa cobra sumanan exor-
bitante. Den e caso specifico aki pa 468 florin e kier cuminsa
pa cobra un boet di 2811 florin. Ta bin acerca cu e boet ta
un sorto di interes exorbitante inaceptabel y inhusto. Cu e
cliente no a paga e resto di 468,44 florin ta su mes falta y
pa colmo el a pone beslag riba salario dje señora.
Esey tabata un medida demasiado profundo, mucho costoso,
fuera di tur proposicion y ilegal.
Hues a ordena pa lanta e beslag di salario inmediatamente y
Furniture Palace tin cu paga tur gasto di beslag.
Di otro banda e señora tin cu paga e debe di 468,44 florin
den 30 dia pero esey ta bon pa su mes pe no haye ta paga
gasto di cobra e debe.
E negoshi a scapa cu e señora no a busca abogado sino nan
lo tabatin cu paga esey tambe.