Page 29 - CMB

E gasoline lo conoce aumento di mas cu 10 cen entrante prome di July 2018. Diesel

tambe lo conoce aumento di casi 10 cent. Esaki ta a base di e aumento di e impuestonan.

Loke ta 3.5% awor aki lo bira 6%. Pesey mes e aumento di 2.5% riba benta di gasoline

nifica dos schakel. E gasoline cu ta sali for di e tanki na San Nicolas pa e tanki di

gasoline stations di CITGO. Djey ora e Sali for di e pomp pa drenta bo tanki di auto e

nifica cu ta dos schakel. 2.5% + 2.5% ta bira aumento di 5%. Awor aki prijs di gasoline ta

2.089 pa liter y lo bira 2.193 Florin pa liter.

Aumento algo mas cu diez cent. E Diesel cu ta awor aki 1.797 Florin pa Liter lo bira

1.886 Florin pa liter. Mester tene cuenta cu apart di e aumento obligatorio aki tin tambe

e aumento cu ta bin acerca entrante 11 di July. Esun di 11 di July ta aumento a base di

cambio internacional. Tambe ainda tin ta colga 8 cen di e 10 cen cu gobierno mes a pone

eliminando e exoneracion di un parti di accijns. E pida aumento di dies cen aki a wordo

absorba durante gobernacion di MEP desde 2007-209. Tambe full e gobernacion di AVP

no a mishi cune.

Awor cu gobierno a cambia e mandatario di finanzas a kite y esey nifica cu e ta aumenta

gradualmente te ora yega 10 cen. Esaki ta diez cen pero ya caba gobierno a probecha

aumenta esaki cu dos cent. Asina cu e prijs di crudo internacional baha y nos conoce

rebaho riba prijs di gasoline, gobierno lo pusha cada biaha dos cen. Ya caba a pusha dos

cent y awor falta ocho cen mas.