Page 28 - AWEMAINTA
P. 28
28 AWEMainta Diamars, 17 April 2018
Deporte
Seminario ‘Explosion karate II’ ta warda bo!
ASOCIACION Arubiano di Karate-Do
Shotokai, dojo Shocokan,bou guia di instructor
di karate, Sensei Alberto Gonzalez Lujan, ta
invita tur amante di karate y pueblo en general
pa bin apoya nos karatekanan na e seminario
‘Explosion karate II’ riba diasabra 28 di april
2018 di 2or pa 5 or di atardi den Centro
Deportivo Betico Croes na Santa Cruz.
E seminario un biaha mas ta wordo duna door
di e instructor di karate "Shihan" Victor Garrido
(7 dan) di e"Asociación Venezolano de Karate
Do Shotokai" y "Federacion Internacional
Shotokai". E ta e persona cu a funda Shotokai
na Venezuela na aña 1989, tin un trayectorio
largo den karate y tabata atleta di e seleccion di
Venezuela pa varios aña.
Contrario na aña pasa, e biaha aki lo tin un
solo seminario pa tur karateka di 4 aña te
adulto, tur color di faha. Explosion, sudor y
forsa ta loke lo domina durante e seminario aki.
No perd'e! Participacion na e seminario ta 35
florin y entrada pa publico ta gratis. Pa registra
of pa haya mas informacion por yama Sensei
Alberto Gonzalez Lujan na 7451189 of email
na chuchubi@setarnet.aw
