Page 31 - AWEMAINTA

Diamars, 17 April 2018 AWEMainta 31

Deporte

Resultado final di tercer Campeonato Nacional di Ahedres

E 2 WEEKENDNAN cu ta tras di lomba, a
tuma luga e tercer edicion di nos Campeonato
Nacional. E 10 participantenan pa e
Campeonato Nacional cu a wordo selecta a

base di invitacion ta:
Jose (Chelo) Pesqueira, Octavio Croes,
Angelo Franken, Brian Diaz, Hubert (Randy)
Tromp, Enrique Jacopucci, Daniel E. Diaz,
Ethan Croeze, Ilya Stetsenko y Alvin Howell.
Na promer lugar tawata tin un empate entre
e hoben Brian Diaz y Jose (Chelo) Pesqueira.
Nan tur 2 a termina cu 6½ punto for di
9 partido. Brian tawata tin mas punto di
SB y a keda na prome lugar. Brian a bira e
tercer Campeon Nacional y lo haya e titulo
di Nacional Master di Aruba.

Segundo luga a bay pa Jose (Chelo) Pesqueira.
Na di 3 lugar, tambe tawata tin un empate
entre Hubert (Randy) Tromp y Octavio
Croes. Nan tur 2, a termina cu 6 punto for
di 9. Randy a keda na di 3 luga door cu e tin
mas punto SB.
E weganan a wordo hunga den APFA
Building na Seroe Blanco. Federacion di

ahedres di Aruba ta gradici e director di
APFA, pa pone e cantina di APFA disponibel
pa nos por a tene nos Campeonato Nacional
den un ambiente diferente y mas espacioso.
Federacion di ahedres a duna e director di
APFA un recuerdo pa por a uza nan localidad
pa tene e evenemento aki.
E organisadonan kier a gradici ademas e otro
sponsornan Blue Lotus Holding, Comision
di Subsidio y Lotto pa Deporte cu a financia
e Campeonato Nacional aki.
Diahuebs awor, lo sigui e torneo di diahuebs

anochi regularmente pa 8:00pm. Diahuebs
awor, e penultimo rond di Torneo di Pasco
Grandi lo wordo hunga.