Page 16 - bon-dia-aruba-20220702

Diasabra 2 Juli 2022 skinA di muchA
A16

Lucky, un cacho cu a nenga di bandona

su doño atrapa

E storia aki a sucede na Kentucky, Merca, na 2019. Mas di 50 trahado di emergencia
a haya nan mes den un situacion di pesadia. Tabatin bombero, polis, supervisor
di transport, trahador di caminda, y hasta un tripulacion aereo. Memey di e
caos, personal di rescate tabata traha franticamente pa libera pasaheronan
kende a keda atrapa den un RV cu a bolter riba Interstate 24.

Un di nan, e chauffeur, a fayece na e sitio. E di dos, maske herida, a sobrevivi. E di tres
pasahero tabata un cacho, yama Lucky, kende simplemente a nenga di bandona e sitio.
Hasta memey di e sirena y grito, Lucky a keda para, laga e pasahero atrapa caricia su lana.

“El a keda eynan cu e victima mientras mi tabata tene e man di e victima, y e resto di e
tripulacion tabata purbando di sak’e”, Bill Compton, hefe di bombero pa Departamento
di Bombero Boluntario di Kuttawa, a bisa MNN. “E hecho cu Lucky tabat’ey a yuda e
victima calma su mente”, el a agrega. “E tabata caricia e cacho, papia cu e cacho.”
Y Lucky, a pesar di a sufri un accidente di trafico horibel, no a bay niun caminda – al
menos no prome cu a libera y transporta e pasahero via avion na un hospital. Ta te na
e momento ey cu Compton a logra carga e cacho y sak’e for di sitio di e accidente.
“Mi tabata purbando di hib’e leu di e zonido y tur actividad, y cu speransa pa calm’e”,
Compton a bisa.

E par inusual aki di cacho di famia y rescatista veterano a hala un rosea hunto na cant’i
caminda. “Basicamente, ami y Lucky tabata djis sinta eynan ta purba di tuma un descanso
di tur loke tabata sucediendo.”

Su famia a pasa busca Lucky despues, pero no prome cu supervisor di autopista, Jordan
Yates, a saca un potret cu ta papia na tur cu a yega di ta involucra den un tragedia
riba caminda. “Bill ta un homber modesto y humilde”, Yates a bisa MNN despues.
“Realmente e ta haci tur su maximo esfuerso pa yuda otronan y e comunidad aki. No ta
djis e accidente aki. No ta djis e potret aki – tur ora.”