Page 11 - MIN VOS DEC 18,2015

7262 hende no tin nan zorgpas na ordo

on: December 17, 2015In: LocalNo Comments
Print Email

Un grupo grandi di hende no tin nan zorgpas renoba pa 2015 pa cual AZV ta haci un yamada na
e 7262 pa pasa drecha nan zorgpas prome cu dianan di fiesta.
Segun vocero di AZV, Solange Tchong, AZV ainda ta procesando e zorgpas di e clientenan. Tin
un tota di 7262 cliente cu ainda falta pa pasa. Ta wak cu e cifra ta bahando cual AZV ta hopi
contento cu esaki. Ta kere si cu ta hopi importante pa recorda tur hende cu ainda ti tempo. Tin
sigur algun siman ainda. Pa AZV nan ta up and running, trahando cu e intencion pa yuda tur
hende. Si wak e cifranan, e ta hiba nos na un total di 49982 persona cu si a acudi na AZV caba
durante 2015. Pa loke ta awo esunnan cu falta, tin cu menciona entre tanto a hasta manda nan tur
carta recordatorio, es decir cu esaki, den transcurso di algun dia, e personanan aki ta ricibi nan
carta. Esnan cu a hay’e y entre tanto a pasa, mas cu claro ta pidi pa considera esaki como un
carta no manda, pero pa esnan cu si ta hay’e, como un recordatorio, pa por fabor acudi na AZV.
Nan ta full cla pa keda atende cliente y sigur cu si awor aki cu ta dianan cu ta bay bira druk, ta
kere cu e ta bon pa hendenan haci uzo di e oportunidad.
Tin balienan special pa esaki. Nan tin oportunidad pa saca e zorgpas ainda prome cu Pasco. Nan
ta keda habri tanto na AZV na Camacuri, como AZV den Instituto Medico San Nicolas. Pa loke
ta e oficina na Noord, den e edificio multifuncional, esey si tin cu menciona cu ta bay tin un